મારી પત્ની દીકરાને લઈને પ્રેમી સાથે ભાગી ગઈ છે, હું આત્મહત્યા કરી લઉં છું: પતિ

લૉકડાઉન દરમ્યાન પત્ની લગ્નેતર સંબંધ ધરાવનાર સાથે ભાગી જતા પતિએ માનસિક સંતુલન ગુમાવી દીધુ છે. તેણે 104 હેલ્પલાઇનમાં ફોન કરીને આત્મહત્યા કરી રહ્યો હોવાની વાત જણાવી હતી. હેલ્પલાઇનના કાઉન્સિલરે તેની મુલાકાત લઇને તેને આત્મહત્યા કરતા અટકાવ્યા હતા.
104 હેલ્પલાઇનમાં એક ઉચ્ચ શિક્ષિત પુરૂષે રડતા-રડતા ફોન કરીને પોતાની આપવીતી જણાવતા કહ્યું હતું કે, તેની પત્ની અન્ય કોઇ સાથે ભાગી ગઇ છે તેની સાથે દીકરો પણ લઇ ગઇ છે.
મારે મરી જવું છે. હું આત્મહત્યા કરી રહ્યો છુ. કાઉન્સિલર સાથે વાત કરતા જાણવા મળ્યું હતું કે, તેની પત્ની 4 મહિના પહેલા દુબઇ ગઇ હતી. ત્યાંથી પરત આવતા પત્નીનું વર્તન બદલાઇ ગયુ હતું. તેણે પતિ સાથે બોલવાનું બંધ કરી દીધું હતું અને શંકાસ્પદ વર્તન કરતી હતી. થોડા દિવસ પછી અચાનક પત્ની ઘર છોડીને ભાગી ગઇ હતી. જેનાથી પતિને ઊંડો આઘાત લાગ્યો હતો. તેણે ફોન કર્યા હતા પરતું પત્નીએ ફોન નહીં ઉપાડતા પતિએ માનસિક સંતુલન ગુમાવ્યું હતું.
તેની વૃધ્ધ માતાએ લોકડાઉન ખૂલે પછી પાછી લાવવા સમજાવ્યો હતો પરતું તે બાલ્કનીમા જઇને ચીસો પાડતો હતો. તેના એકનાએક પુત્રને સાથે લઇ ગઇ હોવાથી પુત્રની કસ્ટડી મેળવવા બેબાકળઓ બન્યો હતો. તેણે કહ્યુ કે મારે છૂટાછેડા નથી આપવા પત્નીને પાછી લાવી આપો.
પોલીસની ટીમે ઘરે પહોંચી જીવ બચાવ્યો
યુવકે 104 નંબર પર ફોન કરીને આત્મહત્યા કરવાની વાત કરતાં 104ના કર્મચારીએ યુવકનો ફોન 100 નંબર પર ટ્રાન્સફર કર્યો હતો. પોલીસ કંટ્રોલ રૂમને યુવકની આત્મહત્યાની જાણ થતાં કંટ્રોલ રૂમના કર્મચારીએ નજીકના પોલીસ સ્ટેશનમાં ફોન કરી યુવકનું એડ્રેસ લખાવ્યું હતું. જેના પગલે પોલીસની એક ટીમ તેના ઘરે પહોંચી અને આપઘાત કરતા બચાવ્યો હતો.

Download Dainik Bhaskar App to read Latest Hindi News Today

પ્રતિકાત્મક તસવીર.

from Divya Bhaskar https://ift.tt/2zs5j6D