કેન્સર હોસ્પિટલની વધુ બે સ્ટાફ નર્સનો રિપોર્ટ પોઝિટિવ આવતાં કુલ આંકડો હવે 76 પર પહોંચ્યો છે. કેન્સર હોસ્પિટલની કોવિડ હોસ્પિટલનાં આઇસીયુમાં 10 દિવસથી દાખલ એક સ્ટાફ નર્સની હાલતમાં સુધારો ન થતાં હોસ્પિટલની બે નર્સમાંથી એક એસવીપીમાં દાખલ થઈ છે. જ્યારે બીજી નર્સ પણ ત્યાં પહોંચી હોવાનું હોસ્પિટલ સ્ટાફ જણાવી રહ્યો છે.
બે નર્સ સારવાર માટે SVP જતી રહી
હોસ્પિટલના સ્ટાફના જણાવ્યા મુજબ, હોસ્પિટલતંત્રની બેદરકારીથી મંગળવારે વધુ બે સ્ટાફ નર્સનો રિપોર્ટ પોઝિટિવ આવ્યો છે. તેમજ હોસ્પિટલમાં પોઝિટિવ કેસનો આંકડો વધીને હવે 76 પર પહોંચ્યો છે. મંગળવારે પોઝિટિવ આવેલી બે સ્ટાફ નર્સમાંથી એક સ્ટાફ નર્સ એસવીપી હોસ્પિટલમાં સારવાર માટે દાખલ થઇ છે. બીજી નર્સ એસવીપીમાં દાખલ થવા ગઇ હતી.
એક સ્ટાફ નર્સ 10 દિવસથી કેન્સરની કોવીડ હોસ્પિટલના આઇસીયુમાં દાખલ
એસવીપીમાં દાખલ થયેલી એક નર્સે નામ ન લખવાની શરતે જણાવ્યું કે, એસવીપી અને કેન્સરની કોવિડ હોસ્પિટલની સારવારમાં જમીન-આસમાન જેટલું અંતર છે. કેન્સરની હોસ્પિટલમાં ફરજ બજાવતી અમારી સાથેની એક સ્ટાફ નર્સ 10 દિવસથી કેન્સરની કોવીડ હોસ્પિટલના આઇસીયુમાં દાખલ કરાઇ છે, છતાં તેની હાલતમાં કોઇ સુધારો થયો નથી. 20 દિવસથી હોસ્પિટલ તંત્રની બેદરકારીથી અમે સારી રીતે પરિચીત છે, સાથે અમારી સાથેની નર્સની હાલતને ધ્યાનમાં રાખીને હું મંગળવારે એસવીપી હોસ્પિટલમાં દાખલ થઇ છું.
Download Dainik Bhaskar App to read Latest Hindi News Today
from Divya Bhaskar https://ift.tt/2WrEuJ9
No comments:
Post a Comment