પુણાના નવા કમેલા ખાતેની સંજયનગર ઝુપડપટ્ટીમાં શરદી- ખાંસી- તાવ કોને છે તેની સરવે કરવા ગયેલા હેલ્થ વર્કર-આશા વર્કરો સાથે 4 મહિલા અને 2 યુવકોએ ઝઘડો કરીને ‘તુમ એનઆરસી કેલિએ આતે હો કહીને સળગાવી દેવાની ધમકી આપી હતી. હેલ્થ વર્કરો પર થુંકવાથી કોરોના થશે અને મરી જશે એવું કહી તેમની પર થુંકવા લાગ્યા હતા. પોલીસે હત્યાની કોશિશનો ગુનો નોંધ્યો હતો.
અક્ષરશ: FIR: દોબારા આયેંગે તો કેરોસીન ડાલ કે જલા ડાલેંગે
મારૂ નામ ધર્મેન્દ્ર નરેન્દ્ર જોષી છે. હું સુરત મહાનગર પાલિકામાં પ્રાયમરી હેલ્થ વર્કર તરીકે નોકરી કરું છું.મારા અધિકારીની સુચનાથી કમેલા દરવાજા સંજયનગર ઝુપડપટ્ટી ક્લસ્ટર ઝોનમાં ઘરે-ઘરે જઈ શરદી, ખાસી, તાવ, શ્વાસ લેવામાં તકલીફ વગેરે કોરોનાનો સરવે કરવાની કામગીરી કરીને દરેક ઘરે ચોકથી માર્કિંગ કરવાનું કામ કરે છે. સાથે હોમિયોપેથીક દવા આપવાની કામગીરી કરે છે. શનિવારે સવારે હું પોતે અને આશા વર્કર વિદ્યાબેન, લેસવાલા તૌકીર, માલદેવ વાઢિયા અને વૈભવી પટેલ સંજય નગર ઝુપડપટ્ટી ગયાં હતાં. ગલી નંબર 2 માં જતાં ઘણા માણસો ભેગા થયા હતા. તે પૈકી બે માણસો અને ચાર મહિલાઓએ અમને કહ્યું કે તુમ કિસકો પૂછકર અંદર આયે ઓર ચોક સે માર્કિંગ ક્યોં કર રહે હો, ગલી સે નીકલ જાવો, તુમ સર્વે કે લિએ નહીં આતે લેકિન એનઆરસી કે લિએ આતે હો ઓર મુસલમાનો કો ભગાને કે લિએ આતે હો તેમ કહી અમારા મોઢા પરથી માસ્ક ખેંચી લીધેલા. અમારા આઈ કાર્ડના અને અમારા ફોટો પાડી જોરથી ઉશ્કેરાઈને કહેવા લાગ્યા હતા કે યહાં સે ચલે જાવો કહીને મને અને વિદ્યાબેનને ઘેરી લીધા હતા. અમે તેમને સમજાવ્યું કે કોરોના બીમારીના સરવે માટે અને તમારા હિત ખાતર આવીએ છીએ છતાં તેઓ નહીં સમજીને અને કહેવા લાગેલ કે દુબારા આયેંગે તો કેરોસીન ડાલકે જલા ડાલેંગે. બે જણાએ કહ્યું કે કલકી બાત છોડો આજ હી ઉન પર થુંક કર કોરોના કર ડાલતે હે. ઉનસે વહ મર જાયેંગે તેમ કહીને અમારા ઉપર બે માણસો થુકેલા અને અમને ધક્કા મારીને ગાળાગાળી કરવા લાગ્યા હતા. તે સમયે પોલીસ આવી જતાં અમને બચાવ્યા હતા.
આરોપીઓનાં કોરોના સેમ્પલ લેવાયાં
પુણા પોલીસે હત્યાની કોશિષ સહિતની કલમો હેઠળ ગુનો દાખલ કરીને હેલ્થ વર્કરો પર થુંકનારા અને સળગાવી દેવની ધમકી આપનારા સીરાજ કાસીમ શેખ,સલીમ કાસીમ શેખ, ફરીદાબી સિરાજ શેખ, જુલેખાબી યુસુફખાન પઠાણ,શબાનાબી ઐયુબ શાહ અને હુસેનાબી અલાઉદ્દી શેખ(તમામ રહે.સંજયનગર ઝુપડપટ્ટી) છે. પોલીસ તમામને પોલીસ સ્ટેશન લઈ ગઈ. હાલ તેનો કોરોના ટેસ્ટ કરવા સેંપલ લેવાયા છે. જો કોરોના હશે તો તેમને સારવાર માટે દાખલ કરાશે.
PI ગડરીયા ઘટના સ્થળે પહોંચ્યા અને બધા બચ્યા
પુણા પોલીસ સ્ટેશનના ઇન્સ્પેક્ટર વી.યુ.ગડરિયાએ જણાવ્યું હતું કે સવારે સાડા દસેક વાગે હું સંજયનગરમાં પેટ્રોલિંગ માટે સ્ટાફ સાથે નીકળ્યો હતો. ત્યાં ટોળું જોયું ત્યારે હેલ્થ વર્કર બહેનો રડતી હતી. તેઓ ખુબજ ગભરાઈ હતી. તેઓએ ઘટના કહેતાં હું આરોપીઓનું આવું વર્તન જોઈને હેરાન થઈ ગયો. તત્કાલિક બહેનો અને ધર્મેન્દ્રને બચાવીને પોલીસ જીપમાં બેસાડીને તત્કાલિક 6ને પકડી લીધા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/3fsPFZk
No comments:
Post a Comment