ઓલપાડ તાલુકાના સાંધીયેર ગામના કંથારીયા પરિવારની 3 વર્ષની માસૂમ દીકરી ધારવીમાં 11 દિવસ પહેલા કોવિડ-19નાં લક્ષણો મળી આવતા આરોગ્ય વિભાગે તેને સુરત સિવિલ ખાતે સારવાર અર્થે ખસેડવામાં આવી હતી. કોરોના સામેની લડતમાં જીત મેળવી માસૂમ ધારવી ઘરે પરત આવતા ગ્રામજનોએ તેનું ઉષ્મા ભર્યું સ્વાગત કરતા ધારાવીના આગમનમાં હૃદયદ્રાવક દ્રશ્યો સર્જાયા હતા. તેના ઉપર પુષ્પવર્ષા કરાઈ હતી.
મારી મીકું ઘરે જવા ખુબ જીદ કરતી હતી, 11 દિવસ 11 વર્ષ જેવા લાગ્યા
ઓલપાડ તાલુકાના સાંધીયેર ગામની 3 વર્ષની માસુમ ધારવી કંથારિયાએ કોરોનાને માત આપી છે. ત્યારે સારવાર દરમિયાન સાથે રહેનારી તેની માતાએ જણાવ્યુ હતું કે, સુરત સિવિલ ખાતેના 11 દિવસ અમારા માટે 11 વર્ષ બરોબર રહ્યા મારી મીકું [ધારવીનું હુલામણું નામ] તેના દાદા દાદી અને નાની બેન એન્જલને યાદ કરી રડતી અને ઘરે જવા ખુબ જીદ કરતી મન મક્કમ કરી મેં મારી દીકરીને સમજાવી પતાવી દિવસો વિતાવ્યા, મારા પરિવારમાં સૌની લાડકી મીકું ને તેની પસંદની ચોકલેટ અને ફ્રુટ માંગતા મળી જતું ત્યાર 11 દિવસ સુધી હોસ્પિટલમાં જમવા માટે દાળ, ભાત અને શાક આપવામાં આવતા હતા બહારની કોઈ વસ્તુ લાવવા ન દેતા દીકરી ભુખી રહેતી હોસ્પિટલના અન્ય દર્દી જેવુંજ માસુમ બાળકોને જમવાનું આપવામાં આવતું હોઈ અન્ય બાળકો પણ તે જમતા નહી. મારી જિંદગીમાં આવા દિવસો ક્યારે નથી જોયા મીકું સાથે હોસ્પિટલમાં વીતાવેલા 11 દિવસ મને આખી જીંદગી યાદ રહેશે.
Download Dainik Bhaskar App to read Latest Hindi News Today
from Divya Bhaskar https://ift.tt/35JfOPe
No comments:
Post a Comment