સામાન્ય વાતચીત દરમિયાન પણ શ્વાસ સાથે નીકળતા સૂક્ષ્મ ટીપાં (રેસ્પિરેટરી ડ્રોપલેટ) હવામાં 8 મિનિટ કે તેથી પણ વધુ સમય સુધી રહી શકે છે. કોરોના વાઇરસ ફેલાવાનું એક મોટું કારણ આ પણ હોઇ શકે છે.
મોઢામાંથી નીકળતા ડ્રોપલેટ પર લેસર લાઇટનો ઉપયોગ કરાયો
આનાથી એ સમજવામાં મદદ મળી છે કે હોસ્પિટલો, ઘરો, આયોજનો અને ક્રૂઝ જેવી મર્યાદિત હવાવાળી જગ્યાએ ચેપ વધુ કેમ ફેલાયો? અમેરિકાની નેશનલ ઇન્સ્ટિટ્યૂટ ઑફ ડાયાબિટીસ એન્ડ ડાઇજેસ્ટિવ એન્ડ કિડની ડિસીસ તથા પેન્સિલવેનિયા યુનિ.ના સંશોધકોએ સ્ટડીમાં આ દાવો કર્યો છે. આ સ્ટડી પ્રોસીડિંગ્સ ઑફ ધ નેશનલ એકેડમી ઑફ સાયન્સીસમાં પ્રકાશિત થયો છે. સ્ટડી એક પ્રયોગ પર આધારિત છે, જેમાં આપણે બોલીએ ત્યારે મોઢામાંથી નીકળતા ડ્રોપલેટ પર લેસર લાઇટનો ઉપયોગ કરાયો હતો. સ્ટડીમાં જણાવાયું છે કે લેસર લાઇટના ઓબ્ઝર્વેશનથી માલૂમ પડ્યું કે જોરથી બોલવાથી દર સેકન્ડે હજારો ફ્લૂઇડ ડ્રોપલેટ નીકળી શકે છે.
ભીડવાળા આયોજનોના કારણે વાઇરસ નાના ડ્રોપલેટથી ફેલાઇ શકે
પાછલા રિસર્ચમાં માલૂમ પડ્યું હતું કે દ.કોરિયાના કૉલ સેન્ટરમાં કોરોનાથી વધુ લોકો ચેપગ્રસ્ત થયા હતા. ચીનની ભીડવાળી રેસ્ટોરન્ટ્સની પણ તેવી જ સ્થિતિ હતી. કેટલાક નિષ્ણાતોને શંકા ગઇ કે આવી જગ્યાઓ અને ભીડવાળા આયોજનોના કારણે વાઇરસ નાના ડ્રોપલેટથી ફેલાઇ શકે છે. સ્ટડીમાં કોરોના કે બીજા કોઇ વાઇરસને સામેલ નહોતો કરાયો પણ એ જોવામાં આવ્યું કે લોકો બોલતી વખતે ડ્રોપલેટ કેવી રીતે પેદા કરે છે? સંશોધકોનું ધ્યાન સૌથી નાના ડ્રોપલેટ પર હતું. તારણ એવું નીકળ્યું કે આ ડ્રોપલેટમાં ચેપના ફેલાવા માટે પૂરતા કણ હોઇ શકે છે.
માસ્ક નથી પહેરતા લોકોને કોરોનાનો ચેપ લાગવાની શક્યતા વધુ
સંશોધકોનું માનવું છે કે પ્રત્યક્ષ રીતે તો એમ ન કહી શકાય કે ડ્રોપલેટના કારણે જ કોરોના ફેલાઇ રહ્યો છે. સ્ટડીમાં જણાવાયું છે કે આ કારણથી જ જે લોકો માસ્ક નથી પહેરતા તેઓ ચેપગ્રસ્ત થવાની શક્યતા વધુ છે, કેમ કે રેસ્પિરેટરી ડ્રોપલેટના કારણે કોરોના ફેલાઇ શકે છે તે વાતને પણ નજરઅંદાજ ન કરી શકાય.
Download Dainik Bhaskar App to read Latest Hindi News Today
from Divya Bhaskar https://ift.tt/2T8ZJNB
No comments:
Post a Comment