ભાસ્કર માટે માઉન્ટ આબુના જંગલોમાંથી આ ફોટો વાઇલ્ડ લાઈફ ફોટોગ્રાફર અનિલ રોજર્સે ક્લિક કર્યો છે. તેમનું કહેવું છે કે સામાન્ય રીતે ગ્રીન મુનિયા બે કે ત્રણથી વધુની સંખ્યામાં નથી દેખાતી. પહેલી વખત એક સાથે 5 ગ્રીન મુનિયા જોવા મળી તો જરાય સમય ગુમાવ્યા વગર આ તસવીર કેમેરામાં ક્લિક કરી લીધી.
માઉન્ટ આબુમાં એક સાથે 5 ગ્રીન મુનિયામાં એેક સ્લેટી રંગવાળી પણ હતી
માઉન્ટ આબુની સુંદરતા વિશ્વ પ્રસિદ્ધ છે અને તેની સાથે જ ગ્રીન મુનિયા પણ અહીંની વિશેષ ઓળખ બની ગઈ છે. આ નાની લીલા રંગની સુંદર ચકલી હોય છે. જેની ચાંચ લાલ રંગની હોય છે. જ્યારે પાંખોની નીચે સફેદ ભાગમાં કાળી પટ્ટીઓ હોય છે. જો તમે ભાગ્યશાળી હો તો જ તમને ગ્રીન મુનિયાના એલ્બિનો અથવા સફેદ મોર્ફની સાથે સ્લોટી રંગ પણ જોવા મળી શકે છે.
ગ્રીન મુનિયાની સંખ્યા માંડ 800થી એક હજાર સુધી પહોંચી
આ છે ભારતની ખાસ ચકલી ગ્રીન મુનિયા. તેની સુંદરતા એવી છે કે તેને હરકોઈ જોતા જ રહી જાય છે. આ જ કારણ છે કે તે ક્યારેય એક કે બેથી વધુ સંખ્યામાં જોવા મળતી નથી. ખરેખર તો તેની સંખ્યા ખુબ જ ઓછી થઈ ગઈ હતી એટલે વન્યજીવ પ્રેમીઓની પહેલ પર ફરીથી તેના સંરક્ષણની કવાયત શરૂ કરવામાં આવી હતી. ત્યારે વર્ષો બાદ આ સુખદ તસવીર સામે આવી છે. આટલા વર્ષોના સંરક્ષણ બાદ પણ ગ્રીન મુનિયાની સંખ્યા માંડ 800થી એક હજાર સુધી પહોંચી છે. આ ભારતના કેટલાક હિસ્સાને બાદ કરતાં માત્ર ગોવા અને માઉન્ટ આબુમાં વિષેશ જોવા મળે છે. તેને અંડેમિક બર્ડ સ્પીસીસ પણ કહે છે. સિરોહી ઉપરાંત હવે કુંભલગઢમાં પણ તે જોવા મળે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2L0kHtI
No comments:
Post a Comment