ભાવનગરમાં મોડી રાત્રે નોંધાયેલા નવા સાત કેસ સાથે રાજ્યમાં કુલ પોઝિટિવ દર્દીઓની સંખ્યા 7410 થઇ ગઇ છે. જ્યારે મૃત્યુઆંક 449એ પહોંચી ગયો છે. રાજ્યમાં અત્યારસુધીમાં કુલ 1872 દર્દીઓને ડિસ્ચાર્જ કરવામાં આવ્યા છે. રાજ્યમાં 24 કલાકની કોરોનાની અપડેટ વિગતો આપતા આરોગ્ય અગ્ર સચિવ જયંતિ રવિએ જણાવ્યું છેકે, 390 નવા કેસ નોંધાયા છે. જ્યારે 24 દર્દીના મૃત્યુ થયા છે. તો 163 દર્દીઓ સાજા થઇને ઘરે પરત ફર્યા છે. નવા નોંધાયેલા 390 કેસોમાં અમદાવાદમાં 269 જ્યારે સુરત અને વડોદરામાં 25-25 કેસ તો અરવલ્લીમાં 20 કેસ નોંધાયા છે. સમગ્ર રાજ્યની 6.80 કરોડની વસ્તીમાં હાલ દર દસ લાખે 109 વ્યક્તિઓ કોરોના પોઝિટિવ છે. આ દર સમગ્ર દેશમાં દસ લાખે માત્ર 43 લોકો કોરોના પોઝિટિવ હોવાનો છે. આમ જોઇએ તો સમગ્ર દેશમાં દસ લાખે નોંધાયેલા કોરોના પોઝિટિવ કેસ કરતાં ગુજરાતની સરેરાશ બમણાંથી પણ વધુ છે.ગુજરાતમાં પહેલી મેથી સાતમી મે સુધીમાં નવા નોંધાયેલાં પોઝિટિવ કેસની સંખ્યા રોજના સાત ટકાના ઉછાળા સાથે વધી છે.
રાજ્યની સરકારી યુનિવર્સિટી અને કોલેજોમાં 20મી જૂન સુધી વેકેશન
રાજયમાં કોરોના કેસ વધી રહ્યા છે,તેમાં પણ અમદાવાદમાં સ્થિતિ વધારે નાજુંક હોવાથી તે ચેપ અન્ય શહેરોમાં પણ ફેલાઇ રહ્યો છે. આથી કોરોનાના મહામારી વચ્ચે કોલેજોનું તા. 16મી મેના રોજ પુરું થનારું વેકેશન ખોલવામાં આવે તો વધુ કેસનો ફેલાવો થાય તેમ છે. વળી,સમગ્ર દેશમાં લોકડાઉન તા. 17મી મે સુધી છે. આવા સંજોગોમાં રાજય સરકારે તમામ સરકારી યુનિવર્સિટીઓ અને તે સંલગ્ન કોલેજોમાં ઉનાળું વેકેશન તા. 20મી જૂન સુધી રાખવાનો નિર્ણય લીધો છે.
તબીબો-મેડિકલ સ્ટાફનો પગાર વધશે
ગુજરાત સરકારે નક્કી કર્યું છે કે રાજ્યમાં જે પણ મેડિકલ અને પેરામેડિકલ સ્ટાફ હાલ કામ કરી રહ્યો છે અને કોરોનાના દર્દીઓની સેવામાં રોકાયો છે તેમને વધારાનું વળતર ચૂકવવામાં આવશે. તબીબોને 25,000, નર્સિંગ અને અન્ય પેરામેડિક સ્ટાફને 15,000 જ્યારે અન્ય ટેકનિશિયન કે વોર્ડના કર્મચારીઓને 10,000 પ્રતિમાસ વળતર અપાશે.
કુલ 7403 દર્દી, 449ના મોત અને 1872 ડિસ્ચાર્જ(સરકાર દ્વારા દર 24 કલાકે જાહેર કરાતા આંકડા મુજબ)
| શહેર | પોઝિટિવ કેસ | મોત | ડિસ્ચાર્જ |
| અમદાવાદ | 5260 | 343 | 1001 |
| વડોદરા | 465 | 31 | 198 |
| સુરત | 824 | 38 | 389 |
| રાજકોટ | 64 | 01 | 26 |
| ભાવનગર | 84 | 06 | 23 |
| આણંદ | 77 | 06 | 43 |
| ભરૂચ | 27 | 02 | 25 |
| ગાંધીનગર | 97 | 05 | 20 |
| પાટણ | 24 | 01 | 15 |
| નર્મદા | 12 | 00 | 12 |
| પંચમહાલ | 57 | 03 | 06 |
| બનાસકાંઠા | 74 | 02 | 25 |
| છોટાઉદેપુર | 14 | 00 | 13 |
| કચ્છ | 07 | 01 | 05 |
| મહેસાણા | 42 | 01 | 08 |
| બોટાદ | 51 | 01 | 11 |
| પોરબંદર | 03 | 00 | 03 |
| દાહોદ | 19 | 00 | 02 |
| ખેડા | 27 | 01 | 03 |
| ગીર-સોમનાથ | 04 | 00 | 03 |
| જામનગર | 16 | 01 | 00 |
| મોરબી | 01 | 00 | 01 |
| સાબરકાંઠા | 17 | 02 | 03 |
| મહીસાગર | 43 | 01 | 07 |
| અરવલ્લી | 67 | 02 | 14 |
| તાપી | 02 | 00 | 01 |
| વલસાડ | 06 | 01 | 04 |
| નવસારી | 08 | 00 | 05 |
| ડાંગ | 02 | 00 | 01 |
| દેવભૂમિ દ્વારકા |
04 |
00 | 00 |
| સુરેન્દ્રનગર | 01 | 00 | 01 |
| જૂનાગઢ | 02 | 00 | 00 |
| અન્ય રાજ્ય | 01 | 00 | 00 |
| કુલ | 7403 | 449 | 1872 |
Download Dainik Bhaskar App to read Latest Hindi News Today
from Divya Bhaskar https://ift.tt/2LakaW4
No comments:
Post a Comment