ચીનની અત્યંત લોકપ્રિય વીડિયો શેરિંગ એપ ટિકટોક ફેમિલી પેરિંગ ફીચર લૉન્ચ કરવા જઈ રહી છે. તેના થકી પેરેન્ટ્સ તેમના બાળકોની ગતિવિધિ પર નજર રાખી શકશે. તેના થકી તેઓ નજર રાખી શકશે કે, બાળકો એપ પર કેટલો સમય વીતાવી રહ્યા છે. તેનાથી એ પણ જાણી શકાશે કે, તેઓ લાઈક, કોમેન્ટ અને મેસેજ કોને કરી રહ્યા છે. આ સાથે શોર્ટ વીડિયો શેરિંગ એપ ટિકટોકે 16 વર્ષથી ઓછી ઉંમરના યુઝર્સ માટે ડાયરેક્ટ મેસેજની સુવિધા પણ ડિસેબલ કરવાનો નિર્ણય લીધો છે. એટલું જ નહીં, વીડિયો અને તસવીરો મોકલવાની સુવિધા પણ નહીં મળે.
ડાયરેક્ટ મેસેજ બંધ થશે
વિશ્વભરમાં લૉકડાઉનના કારણે કંટાળો દૂર કરવા લોકો ટિકટોક પર વધુ સમય વીતાવી રહ્યા છે. તેથી હાલમાં જ આ એપે 100 કરોડ ઈન્સ્ટૉલેશનનો આંકડો પાર કરી દીધો છે. ટિકટોક યુઝર્સમાં બાળકોની સંખ્યા ઘણી વધુ છે. એટલે તેમની સાથે ઓનલાઈન દુર્વ્યવહાર અટકાવવા પણ કંપનીએ કેટલાક પગલાં ઉઠાવ્યા છે. અહેવાલો પ્રમાણે, આ ફીચર 30 એપ્રિલે ચાલુ થઈ શકે છે. જો કે, ત્યાર પછી સગીરો માટે ડાયરેક્ટ મેસેજ સુવિધા પણ બંધ થઈ જશે, જેનો નવા મિત્રો અને સંબંધ બનાવવા ઉપયોગ થાયછે. આ રીતે ટિકટોકને ખાસ કરીને ટીનએજર્સ માટે સુરક્ષિત બનાવાઈ રહી છે. હવે ફક્ત મોટી ઉંમરના યુઝર્સ જ ડાયરેક્ટ મેસેજ કરી શકશે.
બાળકોને એપનો ઉપયોગ કરવાનો સમય પેરેન્ટ્સ નક્કી કરી શકશે
પેરિંગ ફીચર થકી પેરેન્ટ્સ તેમના બાળકોના ટિકટોક એકાઉનન્ટ સાથે પોતાનું એકાઉન્ટ લિંક કરી શકશે. તેમના ડાયરેક્ટ મેસેજ પર પ્રતિબંધ મૂકી શકશે. આ ફીચરમાં મળનારા સ્ક્રીન ટાઈમ મેનેજમેન્ટની મદદથી પેરેન્ટ્સ બાળકોને એપનો ઉપયોગ કરવાનો સમય નક્કી કરી શકશે. તેમાં રિસ્ટ્રિક્ટેડ મો પણ મળશે. હાલ તેની ઉપયોગિતા વિશે જાણકારી નથી અપાઈ.
Download Dainik Bhaskar App to read Latest Hindi News Today
from Divya Bhaskar https://ift.tt/3cqR2Wf
No comments:
Post a Comment