પંજાબ પોલીસે કોરોના યોદ્ધા સબ ઇન્સ્પેક્ટર હરજિત સિંઘને એવું સન્માન આપ્યું જે કદાચ વિશ્વમાં આ અગાઉ કોઇને પણ મળ્યું નહીં હોય. પંજાબ પોલીસના ડીજીપી દિનકર ગુપ્તા સહિત આશરે 80 હજાર જવાનોએ સોમવારે પોતાની છાતી પર હરજિત સિંઘના નામના બેઝ લગાવ્યા. હાથોમાં ‘હું પણ હરજિત સિંઘ’ના નામના બેનર ઉઠાવી તેમના જુસ્સાને સલામી આપી. પીજીઆઇમાં ભરતી હરજિત પણ સન્માન મેળવી બહુ જ ખુશ છે. ડીજીપી દિનકર ગુપ્તાએ કહ્યું કે ‘સમગ્ર વિશ્વ બહુ જ મુશ્કેલ સમયમાંથી પસાર થઇ રહ્યું છે. પોલીસ, મેડિકલ સ્ટાફ સહિત ઘણા લોકો પોતાનો જીવ જોખમમાં નાખી દિવસ રાત તહેનાત છે. #હું પણ હરજિત સિંઘ.. એવા જ કોરોના યૌદ્ધાઓનો જુસ્સો વધારવાનો એક પ્રયાસ છે.’ 12 એપ્રિલે પટિયાલામાં કરફ્યુ પાસ માગવા દરમિયાન આક્રોશિત નિહંગોએ હરજિત પર હુમલો કરી તલવારથી કાંડુ કાપી નાંખ્યું હતું. જો કે પાછળથી પીજીઆઇ ચંડીગઢના ડોક્ટરોએ સાડા સાત કલાકના ઓપરેશનમાં કાંડુ જોડી દીધું હતું, હવે હરજિતના હાથમાં લોહીનો પ્રવાહ સામાન્ય થવા લાગ્યો છે. તેમાં કપાયેલા હાથની આંગળીઓ પણ સામેલ છે.
આ સન્માનની કલ્પના નહોતી કરી: હરજિત
પીજીઆઇ, ચંડીગઢમાં દાખલ હરજિત સિંહ આ સન્માનથી ખૂબ ખુશ છે. તેમણે કહ્યું, ‘મેં સપનામાં પણ નહોતું વિચાર્યું કે મને આવું જીવનભર યાદ રહે તેવું સન્માન મળશે. હું ડીજીપી, એસએસપી સહિત પૂરી ફોર્સ અને લોકોનો આભારી છું. મેં જીવનમાં ક્યારેય કોઇને આવું સન્માન મળતું જોયું નથી, સૌનો આભાર.’ હરજિત રિકવરીથી ઘણા ખુશ છે, તેમણે કહ્યું કે તેઓ હું હવે ડ્યુટી માટે તૈયાર છું.
આંગળીઓની મૂવમેન્ટથી ડૉક્ટર ખુશ: ગુરજીત
હરજિતના નાના ભાઇ ગુરજીતે કહ્યું કે ભાઇએ હિંમત નથી હારી, અમને ડર હતો કે ક્યાંક તેમને ઇન્ફેક્શન ન લાગી જાય. ડૉક્ટરોએ ડ્રેસિંગ ખોલ્યું તો તેમણે તરત આંગળીઓની મૂવમેન્ટ શરૂ કરી દીધી. તે જોઇને ડૉક્ટરો પણ દંગ રહી ગયા. તેમની સારવાર કરી રહેલા ડિપાર્ટમેન્ટ ઑફ પ્લાસ્ટિક સર્જરીના ડૉ. જેરી કહે છે કે હરજિત એટલા ખુશમિજાજ છે કે જો કોઇ દર્દીને ડિપ્રેશન હોય તો તેને હરજિત પાસે બેસાડી દઇએ તો તેનું ડિપ્રેશન દૂર કરી નાખે.
Download Dainik Bhaskar App to read Latest Hindi News Today
from Divya Bhaskar https://ift.tt/3cR8BPf
No comments:
Post a Comment