સમગ્ર વિશ્વ જ્યારે કોરોનાની મહામારીના ભરડામાં સપડાયું છે, ત્યારે દર્દીઓના સંક્રમણથી તબીબો અને આરોગ્ય સ્ટાફને સુરક્ષિત રાખવા પર્સનલ પ્રોટેક્શન ઈક્વિપમેન્ટ (પી.પી.ઇ.) કીટ આશીર્વાદરૂપ સાબિત થઇ છે. આ કીટ બનાવવાની જોબવર્કની કામગીરી નવસારી જિલ્લાના બિલિમોરાના પ્રશાંતભાઈ ટેલરને મળી છે. તેમને એક માસમાં 40 હજાર કીટ બનાવવાનો ઓર્ડર મળ્યો છે.
સિંગલ લેયર સૂટ આખુ શરીર કવર કરે છે
હાલ અમને 40 હજાર સૂટનો ઓર્ડર મળ્યો છે. જે અમે નહી નફા, નહી નુકશાનના ધોરણે કરી રહ્યા છીએ. આ ઓર્ડર એક માસમાં પૂર્ણ કરવાનો છે. દરરોજ 16થી 17 કારીગર 200થી 250 સૂટ બનાવી રહ્યાં છે. આ સૂટ કોરોના સંક્રમિત દર્દીઓ, તેની સારવાર કરનાર ડોક્ટર્સ, નર્સ તેમના સંપર્કમાં આવતા તમામ લોકોને પહેરવો પડે છે. સિંગલ લેયર સૂટ છે. જે પંજા, આંખ, પગના પંજા સિવાય આખી બોડી કવર કરે છે. - પ્રશાંતભાઈ ટેલર, પીપીઈ સૂટ બનાવનાર
હાલ નવસારીમાં 868 કિટ
કોરોનાની સારવારમાં હાલ સૌથી વધુ જરૂર પર્સનલ પ્રોટેકશન ઈક્વિપમેન્ટ ( પીપીઈ ) કિટની પડી રહી છે. ગુજરાતમાં પણ કોરોના વાયરસની સ્થિતિ ગંભીર બની રહી છે. કોરોનાગ્રસ્ત વ્યક્તિઓના સીધા સંપર્કમાં આવતા ડોક્ટર અને નર્સને પણ સ્વરક્ષણ માટે પર્સનલ પ્રોટેકશન ઈક્વિપમેન્ટ સૂટની ખૂબ જરૂરિયાત ઉભી થઇ છે. નવસારી આરોગ્ય તંત્રના આંકડા અનુસાર તેમની પાસે માત્ર 868 જેટલા જ પીપીઈ સૂટ હાલ સ્ટોકમાં છે.
Download Dainik Bhaskar App to read Latest Hindi News Today
from Divya Bhaskar https://ift.tt/2y8v23C
No comments:
Post a Comment