ગુજરાત સરકારના મંત્રીઓ સમયાંતરે બોલવામાં ભાંગરો વાટીને ચર્ચામાં રહે છે. અગાઉ એકવખત બોલવામાં ચુક થઇ ગયા પછી રાજય કક્ષાના પશુપાલન અને ગ્રામ આવાસ,ગ્રામ વિકાસ મંત્રી બચુ ખાબડે વધુ એકવખત ભાંગરો વાટયો છે.તેમણે ફતેપુરામાં ઉકાળા વિતરણના એક યોજાયેલા સમારોહમાં કોરોના વિશે સરકારની કામગીરીનો ઉલ્લેખ કરતા બોલી ઉઠયા હતા કે, મોદી સાહેબે ચિંતા બહું કરી, દારૂ, અનાજ, દવાની મફતમાં વ્યવસ્થા કરી.તેમનો આ વિડીયો સોશીયલ મિડીયામાં વાયરલ થયો છે.આ બાબતે તેમની સાથે વાત કરતા તેમણે કહ્યું હતું કે, હા,ફતેવાડીમાં ઉકાળા વિતરણમાં આવું થઇ ગયું.
આઝાદીના ચાર યુગ પછી આવી ઘટના બની
ફતેપુરામાં ઉકાળા વિતરણની એક સાદા સમારોહમાં સંબોધન કરતા મંત્રી બચુ ખાબડ કોરોના વિશે વાતચીત કરી રહ્યા હતા. મંત્રી ખાબડે કહ્યું કે, અમદાવાદ સિવાય બીજે બધેય આપણે સારું છે અને એ પણ આખા રાજયના વહીવટી તંત્રએ કામગીરી કરી. દેશના વડાપ્રધાન મોદી સાહેબે એટલી જ ચિંતા કરીને વ્યવસ્થા કરી, દારૂ વ્યવસ્થા,અનાજ મફત આપવાનું,પૈસા આપવાના છે, દવા મફત આપવાની છે, કોઇ ક્ષેત્રે કમી રાખી નથી. મંત્રી વિડીયોમાં એવું પણ બોલે છે કે, આઝાદીના ઇતિહાસની અંદર ચાર યુગ પછી પહેલીવાર ઘટના બની છે,1856માં આવ્યો હતો પેલો રોલ એમ કુકડીયો,એની પછી કોઇ દિ આવ્યું નથી અને આપણે જોયુ નથી. 200 વર્ષ થવા આવ્યું,પણ આજે જે આવ્યું છે,એમાંથી માંડ માંડ આપણે બહાર નીકળી ગયા છીએ. મંત્રીએ આઝાદીના ચાર યુગ પછી આવી ઘટના બની તેવો ઉલ્લેખ વિડીયોમાં કરે છે એટલે ચાર યુગ કઇ રીતે થયા તે બાબત ચર્ચાસ્પદ બની છે. તેમનો આવા સંબોધનવાળો વિડીયો વાયરલ થતા વધુ એક વખત વિવાદ થયો છે.
Download Dainik Bhaskar App to read Latest Hindi News Today
from Divya Bhaskar https://ift.tt/2YwDVij
No comments:
Post a Comment