ગોંડલ તાલુકાના અનિડા ભાલોડી ગામે બુધવારના રાત્રે 9 કલાકે અચાનક આકાશમાં કોઈ અગનગોળા ઉડતા હોય તેવું દેખાતા ગ્રામજનોમાં આશ્ચર્ય ફેલાવા પામ્યો હતો. ગામના કેટલાક યુવાનો દ્વારા તાકીદે મોબાઇલમાં વિડીયો શુટીંગ કરવામાં આવ્યું હતું. આ તકે ઘણા લોકોએ તર્ક વિતર્કો સાથે કહ્યું હતું કે કોઈ ઊંચાઈએ પ્લેન ઉડી રહ્યું છે અને તેમાંથી અગન ગોળા છોડવામાં આવી રહ્યા છે. જ્યારે વાસ્તવમાં વિડીયો શુટીંગમાં પણ આવી જ રીતે અલગ અલગ ઘટનાઓ દેખાઈ રહી છે. આ પદાર્થ કોઈ ફાઈટર પ્લેન હોવા અંગે ગ્રામજનોમાં ચર્ચા છે પણ દિવ્યભાસ્કર આની પુષ્ટિ કરતું નથી.
વારાફરતી ત્રણ ચાર ગોળા દેખાયા અને અવાજ પણ આવ્યો
ગોંડલના પત્રકાર દ્વારા પ્રાંત અધિકારી રાજેશકુમાર આલને જાણ કરાતા તેઓ દ્વારા રાજકોટ કલેક્ટર અને ડિઝાસ્ટર મેનેજમેન્ટને તાકીદની જાણ કરવામાં આવી હતી. તાલુકા પોલીસ મથકના પીએસઆઇ અજયસિંહ જાડેજા દ્વારા પણ આશ્ચર્ય ભરી ઘટના હોવાનું જણાવાયું હતું.
અનિડા ભાલોડી ગામના સરપંચ સામતભાઈ બાંભવાએ જણાવ્યું હતું કે ગામના પાદરમાં અમે પાંચ સાત વ્યક્તિઓ બેઠા હતા ત્યારે પહેલા એક અગનગોળો દેખાયો હતો બાદમાં વારાફરતી ત્રણ ચાર ગોળા દેખાયા હતા અને એનો અવાજ પણ સંભળાયો હતો.
ચમકતો પદાર્થ ટમલિંગ સેટેલાઈટ હોઇ શકે
વિજ્ઞાન કેન્દ્રના નીલેશ રાણાના જણાવ્યા અનુસાર ઘણીવાર રાત્રિના સમયે આકાશમાં ઉપગ્રહ દેખાતા હોય છે આ વિડિયોમાં દેખાતુ અગનગોળા જેવું ટમલિંગ સેટેલાઈટ હોઈ શકે તેમ છે, ટમલિંગ સેટેલાઈટ પર જો સૂર્યપ્રકાશ પડે તો અગન ગોળ જેવો ભાસ થાય છે કારણ કે તેનો ઝબકારો અમુક સેકન્ડનો જ હોય છે અને તુરંત જ ટમલિંગ સેટેલાઈટ પૃથ્વીના પડછાયામાં જતું રહેતું હોય છે, જો આવું ત્રણ-ચાર વખત દેખાયું હોય તો તેને ટમલિંગ સેટેલાઈટ કહી શકાય પરંતુ આ વીડિયોમાં ફોક્સ ઓછું છે અને દિશા સૂચન થઈ શકતું નથી તેથી ટમલિંગ સેટેલાઈટ જ છે તેવું કહી શકાય નહીં, પ્લેન કે એરક્રાફ્ટ તો નથીજ, કોઈ અવકાશી ઘટના પણ નથી, માનવ નિર્મિત છે તેમ કહી શકાય જો અવકાશી ઘટના કે ઉલ્કા હોય તો તેનો લીસોટો દેખાય અને તે સેકન્ડના દશમાં ભાગમાં દેખાતો બંધ પણ થઈ જાય પણ આવી ઘટના ટમલિંગ સેટેલાઈટ થી બને અને ઘોડાની જેમ ઉલટ થતું હોય તેવું જણાય.
Download Dainik Bhaskar App to read Latest Hindi News Today
from Divya Bhaskar https://ift.tt/2AtzScZ
No comments:
Post a Comment