શહેરમાં રોજે રોજ કોરોના પોઝિટિવ દર્દીઓ સામે આવી રહ્યા છે ત્યારે પોઝિટિવ આવેલા વ્યક્તિને ઘરેથી સિવિલ હોસ્પિટલ સુધી લઈ જવાનું કામ 108 એમ્બ્યુલન્સના કર્મચારી કરી રહ્યા છે. કોરોનાનો ચેપ લાગવાના સતત ભય વચ્ચે પણ આ ફ્રન્ટ વોરિયર્સ પોતાની ફરજ સુપેર નિભાવી રહ્યા છે. શહેરની કુલ 27 એમ્બ્યુલન્સ પૈકી 5 એમ્બ્યુલન્સને ફક્ત કોરોના પોઝિટિવ અને શંકાસ્પદ લોકોને સિવિલ હાસ્પિટલ લઈ આવવા માટે જ અલગ કરી શહેરના અલગ અલગ પોઇન્ટ પર ગોઠવી દેવામાં આવી છે. મનપા દ્વારા પોઝિટિવ આવેલા વ્યક્તિના ઘરનું લોકેશન આપવામાં આવતા જ 108 એમ્બ્યુલન્સ પોઝિટિવ વ્યક્તિને લેવા નીકળી પડે છે.108 એમ્બ્યુલન્સના સુરતના અધિકારી રોશન દેસાઈએ જણાવ્યું હતું કે, ચેપ લાગવાના જોખમ વચ્ચે કામ કરતા 108 કર્મચારીઓ પોતાની વ્યક્તિગત સ્થિતિ અને મુશ્કેલીને બાજુએ મૂકી અવિરત દોડી રહ્યા છે. કોરોના પેસન્ટ માટે જ ફાળવાયેલી 108 એમ્બ્યુલન્સના 20 કર્મચારીઓ રાત-દિવસ શિફ્ટ પ્રમાણે કોરોના સામેની જંગમાં ફ્રન્ટ વોરિયર બન્યા છે.
24 કલાકમાં 20 કોલ, જમવાનો સમય પણ નથી
પાંચ એમ્બ્યુલન્સના સ્ટાફને કેટલીકવાર જમવાનો પણ સમય નથી રહેતો,અંદાજિત દર કલાકે સેનિટાઇઝ થવાથી લઈ પીપીઈ કીટ બદલતા રહેવા વચ્ચે જમવાનો સમય ગોઠવી દે છે. પોતે સેનિટાઇઝ થવા ઉપરાંત 108ને પણ દર ટ્રીપે સૅનેટાઇઝ કરવામાં આવે છે. 24 કલાકમાં 20 ટ્રીપ થાય છે
5 માસનાે ગર્ભ છે પણ આ સમયે ફરજ કેવી રીતે ભુલુ ?
લિંબાયતમાં 108માં ઈએમટી તરીકે ફરજ બજાવતી દીક્ષિતા પટેલે જણાવ્યું કે, જયારે સમાજને અમારી ખરેખર જરૂર છે ત્યારે અમે અમારી ફરજ કેવી રીતે ચુકી શકીએ? 5 માસનો ગર્ભ છતાં કોલ મળતા જ 108 લઈને પોઝિટિવ વ્યક્તિને લેવા નીકળી પડે છે.
પત્નીને 7મો મહિનો, ઘરે પણ બીજા રૂમમાં એકલો જ રહું છું
કતારગામ લોકેશન પર 108ના ઈએમટી રાકેશ ડુમરાલીયાની પત્નીને 7મો મહિનો ચાલી રહ્યો છે.રાત્રે ઘરે ગયા બાદ તેઓ આઇસોલેટ થઇ જાય છે.ગર્ભવતી પત્નીથી નિયત ડિસ્ટન્સ રાખી રહ્યા છે. રાકેશભાઈએ જણાવ્યું કે કર્મ એજ પૂજા છે.અત્યારે જ અમારી સહુથી વધુ જરૂર છે.
બીમાર માતાની સેવા કરવા રજા લીધી, પણ કેન્સલ કરી
હોટસ્પોટ માનદરવાજાના 108ના પાઇલોટ સંદીપ નાઈકે પોતાની માતા બિમાર હોવાને લીધે રજા લીધી હતી પણ કોરોનાને કારણે રજા કેન્સલ કરાવી મહેસાણાથી સુરત આવી ડ્યુટી પર હાજર છે. રોજ સરેરાસ સાતથી આઠ પોઝિટિવ દર્દીઓને સિવિલ હોસ્પિટલ લઈ આવે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2ymgc9W
No comments:
Post a Comment