પાછલા અેક અઠવાડિયાથી પડી રહેલી અગનગોળા વરસાવતી કાળઝાળ ગરમીમાં લોકો ત્રાહિમામ પોકારી ઊઠ્યા છે. હાલમાં રણમાંથી ખારાઘોડા મીઠું ખેંચવાની સિઝન પુરજોશમાં ચાલી રહીં છે. ત્યારે સોમવારે ખારાઘોડા રણમાં ભયંકર લૂની સાથે ગરમીનો પારો 45 ડિગ્રીને પાર કરી જતા રણમાં મીઠું પકવતા અગરિયા સમુદાય અને મીઠાં મજૂરી થકી પેટીયું રળતા મીઠા કામદારોની હાલત અત્યંત કફોડી બનવા પામી હતી. એમાંય રણમાં માઇલો સુધી ક્યાંય ઝાડ કે ઝાડી ઝાંખર ન હોવાથી અગરિયાઓ અને મીઠા કામદારો વાહનોની આડમાં છાંયડો શોધી આરામ કરતા કેમેરામાં કેદ થઇ ગયા છે. આગામી એકાદ બે દિવસમાં હવામાન ખાતાએ ગરમીનો પારો 47 ડિગ્રીએ પહોંચવાની દહેશત વ્યક્ત કરી છે.ખારાઘોડામાં હિંદુસ્તાન સોલ્ટ લિ.માં સોમવારે ગરમીનો પારો 45 ડિગ્રી પાર નોંધાયો હતો.
Download Dainik Bhaskar App to read Latest Hindi News Today
from Divya Bhaskar https://ift.tt/2X2kOfa
No comments:
Post a Comment