Allindianews: 22 વર્ષીય નાઓમી વિશ્વમાં સૌથી વધુ કમાણી કરનાર મહિલા ખેલાડી બની, ચાર વખતની ટૉપર સેરેનાને પાછળ છોડી

Saturday, May 23, 2020

22 વર્ષીય નાઓમી વિશ્વમાં સૌથી વધુ કમાણી કરનાર મહિલા ખેલાડી બની, ચાર વખતની ટૉપર સેરેનાને પાછળ છોડી

જાપાનની 22 વર્ષીય ટેનિસ ખેલાડી નાઓમી ઓસાકા વિશ્વામાં સૌથી વધુ કમાણી કરતી મહિલા ખેલાડી બની ગઈ છે. ફોર્બ્સ મેગેઝીન અનુસાર, ઓસાકાએ એક વર્ષમાં પ્રાઈઝમની અને એન્ડોર્સમેન્ટથી 284 કરોડ રૂપિયાની કમાણી કરી. જે અમેરિકન ખેલાડી અને 4 વખતની સૌથીવધુ કમાણી કરનારની યાદીમાં રહેલી સેરેના વિલિયમ્સે 11 કરોડ રૂપિયા વધુ છે. ઓસાકાની કમાણી કોઈપણ મહિલા ખેલાડીથી સૌથી વધુ છે.
સેરેનાએ 1999માં જ્યારે પ્રથમ ગ્રાન્ડ સ્લેમ જીત્યો હતો, ત્યારે નાઓમી એક વર્ષની હતી
રસપ્રદ વાત એ છે કે સેરેનાએ 1999માં જ્યારે પ્રથમ ગ્રાન્ડ સ્લેમ જીત્યો હતો, ત્યારે નાઓમી એક વર્ષની હતી. 19 વર્ષ બાદ ઓસાકાએ વિલિયમ્સને હરાવી યુએસ ઓપનમાં પ્રથમ ગ્રાન્ડ સ્લેમ જીત્યો હતો. યાદી આવતા અઠવાડિયે જાહેર થશે.
9 વર્ષમાં 5 વાર શારાપોવા, 4 વાર સેરેના ટોપ પર રહી

વર્ષ	ખેલાડી	રકમ કરોડ રૂપિયામાં
2011	શારાપોવા	190.00
2012	શારાપોવા	205.96
2013	શારાપોવા	220.40
2014	શારાપોવા	185.44
2015	શારાપોવા	225.74
2016	સેરેના	219.64
2017	સેરેના	205.20
2018	સેરેના	137.56
2019	સેરેના	222.92
2020	ઓસાકા	284.24