ભારતના સૌથી મોટા ઈ-લર્નિંગ પ્લેટફોર્મમાંનું એક અનએકેડેમીના વિદ્યાર્થીઓનો ડેટા હેક થયો છે. હેકરોએ અનએકેડેમીના સર્વરમાં ઘૂસીને આશરે 2.2 કરોડ વિદ્યાર્થીઓની માહિતી ચોરી છે. આ ડેટા ડાર્ક વેબ પર ઓનલાઈન વેચાણ માટે ઉપલબ્ધ છે. સિક્યોરિટી ફર્મ સાઈબલ ઈંકના રિપોર્ટ પ્રમાણે, હેકરોએ 2,19,09,707 રેકોર્ડ્સ સહિત અનએકેડેમીનો ડેટાબેઝ ફક્ત બે હજાર ડૉલરમાં (આશરે રૂ. 1.5 લાખ)માં વેચવા મૂકી દીધો છે. આ માહિતીમાં વિદ્યાર્થીઓના નામ, પાસવર્ડ, જોઈનિંગ ડેટ્સ, લાસ્ટ લોગ-ઈનનો સમય, ઈ-મેઈલ, એકાઉન્ટ પ્રોફાઈલ અને તેનીસ્થિતિ સામેલ છે. આ ઘટસ્ફોટ પછી અનએકેડેમીના કો-ફાઉન્ડર હેમેશ સિંહે ડેટા ચોરીની વાત કબૂલી છે, પરંતુ તેમણે દાવો કર્યો છે કે, હેકરો ફક્ત નામ અને ઈ-મેઈલ આઈડી ચોરી શક્યા છે. તેમને બેંક ડિટેલ્સ અને એડ્રેસ જેવી માહિતી નથી મળી શકી.નોંધનીય છે કે, હાલમાં જ અનએકેડેમીએ ફેસબુક, જનરલ એટલાન્ટિક અને સિક્યોઈઆ જેવી કંપનીઓ પાસેથી 11 કરોડ ડૉલરનું ભંડોળ હાંસલ કર્યું હતું. કંપનીનું માર્કેટ કેપ 50 કરોડ ડૉલર (આશરે રૂ. 3,750 કરોડ) છે.
Download Dainik Bhaskar App to read Latest Hindi News Today
from Divya Bhaskar https://ift.tt/2YHew5O
No comments:
Post a Comment