દરેક કામ ગુરુઓના આશીર્વાદ લઇ આરંભ કરતી ક્રિષ્ના સ્કૂલની સોમૈયા હિરવાએ ધો.12 સાયન્સમાં 99.67 પીઆરનું પરિણામ આવતાં જ વીડિયો કોન્ફરન્સથી ગુરુ તૃપ્તિબેન ગજેરાનો સંપર્ક કરી ઓનલાઇન આશીર્વાદ મેળવ્યા હતા. તૃપ્તિબેન ગજેરાએ કહ્યું હતું કે હિરવા દરરોજ સ્કૂલે આવી સૌપ્રથમ ગુરુઓના આશીર્વાદ લઇને અભ્યાસ શરૂ કરતી હતી તેમજ પ્રેક્ટિકલ પરીક્ષા આપવા જતી વખતે અને પછી પણ આશીર્વાદ લેવા રૂબરૂ સ્કૂલે આવતી હતી. લૉકડાઉનના કારણે વીડિયો કોલિંગ મારફતે આશીર્વાદ લીધા હતા.
છેલ્લા વર્ષોમાં સૌથી ઓછુ એકંદરે 71.34 ટકા આવ્યું
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ (જીએસઈબી)નુ ધોરણ 12 સાયન્સનું પરિણામછેલ્લા વર્ષોમાં સૌથી ઓછુ એકંદરે 71.34 ટકા આવ્યું છે. ચાલુ વર્ષે સેમેસ્ટર સિસ્ટમ ન હતી તેમજ નવા અભ્યાસક્રમ મુજબ પરીક્ષાનુ આયોજન કરાયું હતું. આ વર્ષનુ પરિણામ ગત વર્ષના 71.90 ટકા કરતા 0.56 ટકા ઘટ્યું છે. આ વર્ષે વિદ્યાર્થી ભાઈઓનુ પરિણામ લગભગ દર વર્ષોથી વિપરીત વિદ્યાર્થીની બહેનો કરતા વધુ આવ્યું છે. છેલ્લા દસ વર્ષોમાં (2011થી 2020) માત્ર ત્રીજી વાર (2013,2017 અને 2020) આમ થયું છે.
100 ટકા પરિણામ ધરાવતી સ્કૂલોની સંખ્યા ગત વર્ષની 35થી વધીને 36 થઈ
ધરાવતી સ્કૂલોની સંખ્યા 49થી વધીને 68 થઈ છે. એ1 ગ્રેડ ધરાવતા વિદ્યાર્થીઓની સંખ્યા 254થી ઘટીને માત્ર 44 થઈ છે. આમ એ1 ગ્રેડ ધરાવનારાઓની સંખ્યામાં 83 ટકાનો ઘટા઼ડો નોંધાયો છે.ગેરરીતિના કેસોની સંખ્યા ગત વર્ષના 365થી ઘટીને 127 થઈ છે. આમ તેમાં 65 ટકાનો ઘટાડો નોંધાયો છે.
ચાલુ વર્ષોના પરિણામમાં વધુ એક મહત્વની બાબત એ બની છે કે રીપીટર વિદ્યાર્થીઓના પરિણામમાં નોંધપાત્ર ઘટાડો નોંધાયો છે. ગત વર્ષે રીપીટર વિદ્યાર્થીઓનુ પરિણામ 25.22 ટકા આવ્યું હતું. જે ચાલુ વર્ષે ઘટીને 13.78 ટકાનુ નોંધાયુ છે. આમ આ વર્ષે રીપીટર વિદ્યાર્થીઓનુ પરિણામ 45 ટકા જેટલુ ઘટ્યું છે. અંગ્રેજી માધ્યમના વિદ્યાર્થીઓનુ પરિણામ છેલ્લા 11 વર્ષોની જેમ ગુજરાતી માધ્યમના વિદ્યાર્થીઓના પરિણામ કરતા વધુ આવ્યું છે. ચાલુ વર્ષે ગુજરાતી માધ્યમના વિદ્યાર્થીઓનુ પરિણામ 70.77 ટકા,જ્યારે અંગ્રેજી માધ્યમના વિદ્યાર્થીઓનુ પરિણામ તેનાથી વધુ 74.02 ટકા આવ્યું છે.
છેલ્લા 11 વર્ષોની જેમ એ ગ્રુપના વિદ્યાર્થીઓનુ પરિણામ બી ગ્રુપના વિદ્યાર્થીઓના પરિણામ કરતા વધુ આવ્યું છે, એ ગ્રુપના વિદ્યાર્થીઓના ગત વર્ષના પરિણામ 78. 92 ટકામાં ચાલુ વર્ષે 2.03 ટકા ઘટીને 76.62 ટકા આવ્યુ હોવા છતાં તે બી ગ્રુપના વિદ્યાર્થીઓના પરિણામ કરતા વધુ છે. બી ગ્રુપના વિદ્યાર્થીઓનુ પરિણામ ગત વર્ષના પરિણામ 67.26 ટકા માં ચાલુ વર્ષે 0.95 ટકા વધીને 68.21 ટકા આવ્યુ હોવા છતાં તે એ ગ્રુપના વિદ્યાર્થીઓના પરિણામ કરતા ઓછુ આવ્યું છે. એ-બી ગ્રુપના વિદ્યાર્થીઓનુ ગત વર્ષનુ પરિણામ 64.29 ટકા હતુ ,જે 3.71 ટકા વધીને 68 ટકા આવ્યું છે. સૌથી વધુ પરિણામ ધરાવતા જિલ્લાઓમાં સતત ત્રીજા વર્ષે રાજકોટ જિલ્લો 84.69 ટકા સાથે નોંધાયો છે, આમ રાજકોટ જિલ્લાએ સૌથી વધુ પરિણામની હેટ્રિક કરી છે. તે જ પ્રમાણે સૌથી ઓછુ પરિણામ ધરાવતા જિલ્લાઓમાં સતત છઠ્ઠા વર્ષે છોટા ઉદેપુર જિલ્લો 32.64 નોંધાયો છે. સૌથી વધુ પરિણામ ધરાવતા કેન્દ્રોમાં સતત ત્રીજા વર્ષે ધ્રોલ કેન્દ્ર 91.42 ટકા સાથે નોંધાયુ છે, આમ ધ્રોલ કેન્દ્રએ સૌથી વધુ પરિણામની હેટ્રિક કરી છે. તે જ પ્રમાણે સૌથી ઓછુ પરિણામ ધરાવતા કેન્દ્રોમાં લીમખેડા કેન્દ્ર 23.03 ટકા નોંઘાયુ છે. અત્રે ઉલ્લેખનીય છે કે ભાષાઓ ગુજરાતી (બંન્ને પ્રથમ ભાષા અને દ્વિતીય ભાષા),હિન્દી (પ્રથમ ભાષા મરાઠી(પ્રથમ ભાષા) ઉર્દુ(પ્રથમ ભાષા)નુ પરિણામ 100 ટકા આવ્યું છે. જ્યારે અંગ્રેજી (પ્રથમ ભાષા) 98.25 ટકા (દ્વિતીય ભાષા)નું 98.15 ટકા હિન્દી (દ્વિતીય ભાષા) 98.49 ટકા આવ્યું છે.આમ ભાષાઓના વિષયોનુ પરિણામ 100 ટકા કે તેની નજીક આવ્યું છે. જ્યારે વિષયવાર પરિણોમાં સૌથી ઓછુપરિણામ ફિઝિક્સ અને કેમેસ્ટ્રી વિષયનુ આવ્યું છે. કેમેસ્ટ્રી વિષયનુ પરિણામ 72.38 ટકા જ્યારે ફિઝિક્સનુ પરિણામ 72.41 ટકા આવ્યું છે. એ ગ્રુપના મુખ્ય વિષયો મેથ્સનુ પરિણામ 80.41 ટકા નોંધાયુ છે, જ્યારે બી ગ્રુપના મુખ્ય વિષય બાયોલોજીનુ પરિણામ 85.99 ટકા નોંધાયુ છે.
એન્જિ., ફાર્મસી સહિતના પ્રવેશ ગુજકેટ, JEEના રીઝલ્ટ બાદ
એસીપીસીના સૂત્રોના જણાવ્યાં પ્રમાણે ધોરણ12 સાયન્સનું પરિણામ જાહેર કરાયું છે, પરંતુ ઈજનેરી,ફાર્મસી સહિતની પ્રવેશ કાર્યવાહી સીબીએસઈ બોર્ડ તેમજ અન્ય બોર્ડના પરીણામ તેમજ ગુજકેટ, જેઈઈ સહિતની એકઝામિનેશનના પરિણામ બાદ હાથ ધરવામાં આવશે. પ્રવેશ કમિટી તરફથી રાજ્ય સરકાર અને ટેકનિકલ શિક્ષણ વિભાગના આદેશ બાદ આ પ્રવેશ કાર્યવાહી થશે.
Download Dainik Bhaskar App to read Latest Hindi News Today
from Divya Bhaskar https://ift.tt/2AEbSDV
No comments:
Post a Comment