શ્રમિકો પગપાળા પોતાના વતન જઈ રહ્યા છે. પણ ગુજરાતના અમદાવાદથી એક યુવક પોતાની ગર્લફ્રેન્ડને મળવા માટે છેક 1100 કિમી દૂર વારાણસી સુધી પગપાળા ગયો હતો. બીજી તરફ પ્રેમિકા પણ આ યુવકને મળવા માટે ઘરેથી ભાગી ગઈ હતી. પછીથી પોલીસે બંનેને પકડી પાડ્યા હતા.
જ્યારે પોલીસે પૂછપરછ કરી ત્યારે બંને પોતાની પ્રેમ કહાની જણાવી બંન્ને વચ્ચે એક મિસકોલથી વાર્તાલાપ શરૂ થયો હતો. જે સમય જતા સંબંધ પ્રેમમાં ફેરવાયો હતો. વારાણસીના મિર્ઝામુરાદ પોલીસ સ્ટેશનમાં એક માતાએ પોતાની પુત્રી ગુમ થયાની ફરિયાદ નોંધાવી હતી. પોલીસે યુવતીનો મોબાઈલ નંબર પૂછીને એના આધારે ટ્રેસ કરવાનું શરૂ કર્યું હતું. યુવતીનું લોકેશન વારાણસીના લંકા વિસ્તારમાં ડિટેક્ટ થયું હતું. જ્યારે પોલીસ ત્યાં પહોંચી ત્યારે યુવતી પોતાના પ્રેમી સાથે મળી આવી હતી. જ્યારે પૂછપરછ કરી ત્યારે જાણવા મળ્યું કે, યુવક ગુજરાતનો રહેવાસી છે. બંનેએ પહેલા મળવા માટેનો પ્લાન બનાવ્યો હતો. લૉકડાઉનને કારણે મળવાનું શક્ય બન્યું નહીં. પછી એક દિવસ યુવક અમદાવાદથી વારાણસી સુધી પગપાળા પહોંચી ગયો.
યુવતી પણ સાઈકલ લઈને પોતાના ઘરેથી નીકળી
ગત મંગળવારે યુવતી પણ સાઈકલ લઈને પોતાના ઘરેથી સાંજે નીકળી ગઈ હતી. પછી તે ગામમાં સાઈકલ મૂકીને અમદાવાદથી આવેલા પ્રેમીને મળવા માટે ગઈ હતી. પણ યુવતીના માતા પિતા તથા પરિવારજનો યુવતીને સમજાવીને ઘરે લાવ્યા હતા. અમદાવાદથી વારાણસી વચ્ચે 1100 કિમીનું અંતર છે. આ યુવકે રસ્તામાં જુદા જુદા સ્થળે રોકાઈને રાતવાસો કર્યો હતો.
પોલીસે પણ યુવકની પૂછપરછ કરીને છોડી મૂક્યો
પોલીસે જણાવ્યું કે, 5 મહિના પહેલા બંને લોકો એકબીજાના સંપર્કમાં આવ્યા હતા. યુવકનું વતન પણ વારાણસી છે પણ કામ અર્થે તે અમદાવાદ આવ્યો હતો. યુવકને વારાણસી પહોંચતા બે અઠવાડિયાનો સમય લાગ્યો હતો. પોલીસે પણ યુવકની પૂછપરછ કરીને છોડી મૂક્યો હતો. જોકે, લૉકડાઉનને કારણે હવે તે પરત જઈ શકે એમ ન હતો એટલા માટે વારાણસીમાં જ રોકાઈ ગયો છે.
લૉકડાઉન પહેલાં બંનેએ મળીને સગાઈ કરવાનું પણ નક્કી કર્યું હતું
પાંચ મહિના પહેલા બંનેએ એક મિસ કોલથી એકબીજાના સંપર્કમાં આવ્યા હતા. યુવકનું વતન પણ વારાણસી છે પણ કામ અર્થે તે અમદાવાદ રહે છે. લૉકડાઉન પૂર્વે બંને મળીને સગાઈ કરીને લગ્ન કરવાનું નક્કી કર્યું હતું પરંતુ કોરોના તેમની પ્રેમ કહાનીમાં વિઘ્ન લાવ્યું. યુવકે પોતાની પ્રેમિકાને મળવાનું વચન આપ્યું હતું.
Download Dainik Bhaskar App to read Latest Hindi News Today
from Divya Bhaskar https://ift.tt/2zguxFu
No comments:
Post a Comment