સુરત હીરા બુર્સમાંથી બેંક ગેરેન્ટી વગર ડાયમંડ એક્સપોર્ટ કરવા માટે મળેલી પરવાનગી સુરતના હીરા ઉદ્યોગકારો માટે લોકડાઉનના સમયમાં રાહતરૂપ બની છે. આ જાન્યુઆરીમાં જ બેંક ગેરેન્ટી વગર સુરત હીરા બુર્સમાંથી ડાયમંડના પાર્સલ એક્સપોર્ટ કરવા માટે પરવાનગી મળી હતી.જેના કારણે લોકડાઉનના સમયમાં અત્યાર સુધી 4 વખતમાં અંદાજે રૂ.1000 કરોડની કિંમતના 85 પાર્સલ હોંગકોંગ એક્સપોર્ટ થઈ શક્યા છે. જે આવનારા 20 દિવસમાં આંકડો રૂ.3000 કરોડને પાર થઈ જશે.
અગાઉ 30 થી 40 લાખના જ હીરાના પાર્સલ એક્સપોર્ટ થઈ શકતાં
સુરત ડાયમંડ મેન્યુફેક્ચરીંગ હબ ગણાય છે, વિશ્વમાં વેચાણ થતાં 10 માંથી 8 હીરા સુરતમાં તૈયાર થાય છે પરંતુ સુરતમાં બનતાં હીરાનું મોટાભાગનું એક્સપોર્ટ સુરતની જગ્યાએ મુંબઈથી થતું હતું. જેમ એન્ડ જ્વેલરી એક્સપોર્ટ પ્રમોશન કાઉન્સિલ(જીજેઈપીસી)ની રજૂઆતોને પગલે ચાલુ વર્ષે જાન્યુઆરી માસમાં જ સુરત હીરા બુર્સમાંથી બેંક ગેરેન્ટી વગર જ હીરાના પાર્સલને એક્સપોર્ટ કરવાની પરવાનગી મળી છે. અગાઉ 3 થી 4 કરોડ રૂપિયાની બેંક ગેરેન્ટી સામે સુરતમાંથી મહિને 3 થી 4 મિલિયન ડોલર એટલે કે 30 થી 40 લાખના જ હીરાના પાર્સલ એક્સપોર્ટ થઈ શકતાં હતા. જાન્યુઆરીમાં મળેલી પરવાનગી લોક-ડાઉનના સમયમાં સુરત અને મુંબઈના હીરા ઉદ્યોગકારો માટે મોટી રાહત સર્જી છે. હાલ જ્યારે મુંબઈથી હીરાનું એક્સપોર્ટ થઈ શક્તું નથી. ત્યારે મુંબઈથી હીરાના પાર્સલ સુરત હીરા બુર્સ આવે છે અને કસ્ટમ ક્લિયરન્સ બાદ તેને કાર્ગો ફ્લાઈટમાં હોંગકોંગ એક્સપોર્ટ કરવામાં આવે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2xPPUgc
No comments:
Post a Comment