ભારત સહિત દક્ષિણ એશિયન દેશોમાં 40 વર્ષ બાદ સૌથી ઓછો આર્થિક વિકાસ દર નોંધાઇ શકે છે. આ દેશોમાં મહત્તમ જીડીપી 2.8 ટકા સુધી રહી શકે છે. કોરોના વાઈરસ સંકટ વચ્ચે વિશ્વ બેન્કના રવિવારે જારી રિપોર્ટમાં આ અનુમાન વ્યક્ત કરાયું. વિશ્વ બેન્કે ‘દક્ષિણ એશિયાના અર્થતંત્ર પર લેટેસ્ટ અનુમાન- કોવિડ-19ની અસર’ રિપોર્ટ રજૂ કર્યો. તેમાં દક્ષિણ એશિયન ક્ષેત્રના 8 દેશ ભારત, પાકિસ્તાન, બંગ્લાદેશ, શ્રીલંકા, નેપાળ, ભૂતાન, માલદીવ્સ અને અફઘાનિસ્તાનને સામેલ કરી અભ્યાસ કરાયો છે. રિપોર્ટમાં આ અનુમાન જણાયું છે કે તમામ 8 દેશોનું અર્થતંત્ર 1.8 ટકાથી લઇ 2.8 ટકાના દરે વધશે. જ્યારે 6 મહિના પહેલાં જ વિશ્વ બેન્કે 6.3 ટકાનું અનુમાન લગાવ્યું હતું. વિશ્વ બેન્કે ભારત અંગે ચાલુ નાણા વર્ષમાં વિકાસ દર 1.5 ટકાથી 2.8 ટકા રહેવાનું અનુમાન કર્યું છે. જો કે 31 માર્ચ 2020ના રોજ પુરા થતાં નાણા વર્ષ 2019-20માં 4.8થી 5 ટકાનો અર્થિક વિકાસ દર રહેવાનું અનુમાન જણાવ્યું હતું. રિપોર્ટમાં કહેવાયું છે કે 2019ના અંતમાં જે સારા સંકેત દેખાતા હતા તેને કોરોનાની નકારાત્મક અસરોએ ખતમ કરી દીધા.
સપ્લાય ચેઇનને અસર, નાના વેપારી તબાહ
કોરાના વાઈરસનો ફેલાવો રોકવાના ઉપાયોના કારણે સમગ્ર દક્ષિણ એશિયન ક્ષેત્રમાં સપ્લાય ચેઇનને અસર થઇ છે. માત્ર ભારતમાં લૉકડાઉનને કારણે 1.3 અબજ લોકો ઘરોમાં બંધ છે, લાખો લોકો કામ વિહોણા છે. જ્યારે મોટા અને નાના બિઝનેસને અસર તો કરી છે. લાખો પ્રવાસી મજૂરો પોતાના ગામોમાં પરત થઇ ગયા છે. અલબત્ત દક્ષિણ એશિયામાં આશરે 13000 કેસ જોવા મળ્યા, જે વિશ્વના અન્ય દેશો કરતા ઓછો છે.
પ્રવાસી મજૂરોને આર્થિક મદદ, વેપારીઓને લોન આપવા સુચન
વિશ્વ બેન્કે આર્થિક મુશ્કેલીઓ ઓછી કરવા માટે કેટલાક સુચનો પણ કર્યા છે, જેમાં સરકારોએ બેરોજગાર પ્રવાસી મજૂરોને આર્થિક મદદ કરવા, વેપારીઓને અને વ્યક્તિગત લોન આપવાનો સમાવેશ થાય છે. જો કે ભારતે 1.70 હજાર કરોડ રૂપિયાનું આર્થિક પ્લાન રજૂ કર્યું છે અને લાખો લોકોના બેન્ક ખાતામાં મદદ પહોંચાડી છે.
5 દેશોમાં ઝડપી ઘટાડો, ત્રણ દેશમાં મંદી
વિશ્વ બેન્કે 7 એપ્રિલ સુધી તમામ દેશોના ડેટાથી આ રિપોર્ટ તૈયાર કર્યો. જે મુજબ ભારત ઉપરાંત શ્રીલંકા, નેપાળ, ભૂટાન અને બાંગ્લાદેશના આર્થિક વિકાસ દરમાં ઝડપી ઘટાડો જોવા મળશે. જ્યારે અન્ય ત્રણ દેશ પાકિસ્તાન, અફઘનિસ્તાન અને માલદીવમાં મંદી જોવા મળી શકે છે. જો લૉકડાઉન લંબાશે તો સંપૂર્ણ ક્ષેત્રમાં આર્થિક દબાણની ચેતવણી પણ આપવામાં આવી છે.
Download Dainik Bhaskar App to read Latest Hindi News Today
from Divya Bhaskar https://ift.tt/2RwqAm4
No comments:
Post a Comment