કોરોના વાઈરસનો ચેપ માનવીને ઝડપી રીતે લપેટમાં લઈ રહ્યો છે. એક ચેપગ્રસ્ત વ્યક્તિ સેંકડો લોકોને ચેપગ્રસ્ત કરી શકે છે. કોરોના દર્દીની સારવાર કરનારા ડૉક્ટરો, નર્સો અને સ્વાસ્થ્ય કર્મીઓને પણ ચેપ લાગવાનું જોખમ રહે છે. એવામાં રોબોટ ઝડપથી અને કુશળતાપૂર્વક ઘાતક કોરોના વિરુદ્ધ યુદ્ધમાં ભૂમિકા ભજવી રહ્યા છે. ચીનના વુહાન શહેરમાં એક અસ્થાયી હોસ્પિટલમાં કોરોના મહામારી પ્રકોપ શરૂ થતા રોબોટની એક ટીમે અસ્થાયી રૂપે દર્દીઓની દેખરેખ શરૂ કરી. રોબોટ્સના માધ્યમથી દર્દીઓને ભોજન પિરસાયું, સમયાંતરે તેમનું તાપમાન ચેક કરાયું અને મશીનો દ્વારા જ દર્દી સાથે વાત કરવામાં આવી.
રોબોટ ઉપયોગી માહિતી અને દર્દી સાથેવાત પણ કરે છે
આવો જ એક રોબોટ ક્લાઉડ જિન્જર છે, તેને ચીનની ક્લાઉમાઈન્ડ્સે બનાવ્યો છે. આ કંપની બેઈજિંગ અને કેલિફોર્નિયામાં કામ કરે છે. ક્લાઉમાઈન્ડ્સ પ્રેસિડેન્ટ કાર્લ ઝાઓએ આ હ્યુમેનોઈડ રોબોટ વિશે કહ્યું કે તે ઉપયોગી માહિતી, વાત કરવા અને ડાન્સ કે સિંગિંગની સાથે મનોરંજન અને સ્ટ્રેચિંગ અભ્યાસના માધ્યમથી દર્દીઓની દેખરેખ કરી રહ્યા છે. સ્માર્ટ ફિલ્ડ(અસ્થાયી) હોસ્પિટલ સંપૂર્ણપણે રોબોટ્સની મદદથી ચલાવાઈ હતી. એક નાની મેડિકલ ટીમે રિમોટથી હોસ્પિટલના રોબોટને નિયંત્રિત કર્યા હતા. દર્દીઓને રિસ્ટબેન્ડ પહેરાવ્યાં જે તેમનું બ્લડપ્રેશર અને વાઈટલ ડેટા એકત્રિત કરતું હતું.
થાઇલેન્ડ, ઈઝરાયલ જેવા દેશોમાં દર્દી ડૉક્ટરોની સલાહ માટે રોબોટને મળે છે
આ રોબોટ્સ અમુક દિવસ માટે જ દર્દીઓને સંભાળતા હતા પણ તેનાથી ભવિષ્યની તસવીર સ્પષ્ટ થઈ કે રોબોટ ચેપી રોગોના દર્દીઓની દેખરેખ કરી શકશે. જ્યારે સ્વાસ્થ્ય કર્મી સુરક્ષિત અંતરેથી તેમની મદદ લેશે. થાઇલેન્ડ, ઈઝરાયલ જેવા દેશોમાં દર્દી ડૉક્ટરોની સલાહ માટે રોબોટને મળે છે. અમુક રોબોટ દર્દીનાં ફેફસાંનું ચેકઅપ કરે છે. આ પૂરું કામ વીડિયો કોન્ફરન્સિંગના માધ્યમથી થાય છે.
અમેરિકા : ઓટોનોમસ વ્હિકલથી ટેસ્ટિંગ, માનવીની જરૂર જ નથી પડતી
ફ્લોરિડાના મેયો ક્લિનિકે અમેરિકામાં પહેલી વાર કોરોના ટેસ્ટિંગ માટે ઓટોનોમસ વ્હિકલ લોન્ચ કર્યુ છે. તે સેમ્પલ લઈને લેબમાં પહોંચાડે છે. તેમાં માનવીની જરૂર નથી પડતી, એટલા માટે ચેપની પણ ચિંતા નથી. વોશિંગ્ટનમાં સ્ટારશિપ ટેક્નોલોજીએ ડિલિવરી રોબોટના માધ્યમથી વસ્તુઓ મોકલવાની શરૂઆત કરી છે.
Download Dainik Bhaskar App to read Latest Hindi News Today
from Divya Bhaskar https://ift.tt/2RrU6Jt
No comments:
Post a Comment