લૉકડાઉન વચ્ચે ગુજરાતથી બે યુવક ગુરગાંવ પહોંચ્યા, ક્વોરેન્ટાઇનનું સીલ પણ હતું

દેશવ્યાપી લૉકડાઉન છતાં બે યુવક ગુજરાતથી લિફ્ટ લઇને 1 હજાર કિ.મી.થી પણ વધુ લાંબી મુસાફરી કરીને ગુરગાંવ સુધી પહોંચી ગયા. ત્યાંથી 20 કિ.મી. ચાલીને ઢોરકા ગામે મિત્રના ઘર સુધી પહોંચી ગયા. ગામના સરપંચે પોલીસને જાણ કરતા પોલીસે બંને પકડી લીધા. તેમના હાથ પર ક્વોરેન્ટાઇનનું સીલ પણ હતું. તેમને સ્વાસ્થ્ય વિભાગની ટીમને સોંપી દેવાયા છે. તેમની ઓળખ બિહારના કુર્થાના સંતોષ તથા શેખપુરાના રણજિત તરીકે થઇ. તેમણે જણાવ્યું કે તેઓ મહેસાણા જિલ્લામાં ડ્રાઇવર હતા. લૉકડાઉન પછી તેમના માલિકે તેમને નોકરીમાંથી કાઢી મૂક્યા. તેઓ શાકભાજીની ટ્રકમાં લિફ્ટ લઇને રાજસ્થાન પહોંચ્યા હતા, જ્યાં ડૉક્ટર્સની ટીમે તેમને તપાસીને ક્વોરેન્ટાઇનનું સીલ લગાવ્યું હતું.

Download Dainik Bhaskar App to read Latest Hindi News Today

પ્રતિકાત્મક તસવીર.

from Divya Bhaskar https://ift.tt/2VccdV2