વિશ્વભરમાં દોઢ લાખથી વધુ લોકોને ભરખી જનારા કોરોના વાઇરસ અંગે એક નવો દાવો સામે આવ્યો છે. અમેરિકી ચેનલ ફોક્સ ન્યૂઝે દાવો કર્યો છે કે વુહાન ઇન્સ્ટિટ્યૂટ ઓફ વાયરોલોજીમાં કામ કરનારી એક ઇન્ટર્નથી ભૂલમાં વાઇરસ લીક થઇ ગયો હતો. ચેનલે તે અંગે સ્પેશિયલ રિપોર્ટ પણ દેખાડ્યો. ત્યાર બાદ અમેરિકી પ્રમુખ ટ્રમ્પે આ દાવા અને તેની સાથે સંકળાયેલા મામલાની તપાસ કરાવવાની વાત કરી છે. ચેનલના રિપોર્ટરે કહ્યું કે ‘ઘણા સૂત્ર અમને કહી રહ્યા છે કે ભલે કોરોના વાઇરસ પ્રાકૃતિક હોય, પરંતુ વુહાનની વાયરોલોજી લેબથી નીકળ્યો છે. સુરક્ષા નિયમોનું પાલન નહીં કરવાને કારણે એક ઇન્ટર્ન સંક્રમિત થઇ ગઇ. તેના સંપર્કમાં આવી તેનો બોયફ્રેન્ડ સંક્રમિત થયો અને પછી આ વાઇરસ વેટ માર્કેટ પહોંચ્યું’ વાઇરસ ચામાચીડિયાથી મનુષ્યોમાં આવ્યો હોવાની વાત ફેલાઇ. પરંતુ તેનો પ્રથમ શિકાર લેબમાં કામ કરતી હતી. લેબમાં કામ કરતી ઇન્ટર્ન આ વાઇરસને લેબની બહાર ફેલાવવાના કારણે સૌથી પહેલાં પોતે સંક્રમિત થઇ ગઇ.
ચીને માર્કેટને કસૂવાર કહી
પહેલાં વુહાનની વેટ માર્કેટને વાઇરસ શરૂ થવાનું સ્થળ બતાવાયું હતું. પરંતુ ચેનલનું કહેવું છે કે આ માર્કેટમાં ક્યારેય ચામાચીડિયા વેચાયા જ નથી. લેબમાંથી વાઇરસ નીકળવાની વાત છુપાવવા માટે ચીને આ માર્કેટને કસૂરવાર ઠેરવી છે. વુહાન ઇન્સ્ટીટ્યૂટ ઓફ વાયરોલોજી વિશ્વની મુખ્ય પી4 લેબ છે. જે વાઇરસ સંક્રમણ સ્ટ્રેન રાખવા, રિસર્ચ, પરીક્ષણની વૈશ્વિક પ્રયોગશાળા છે.
2 વર્ષ પહેલાં ચેતવણી અપાઇ હતી: વોશિંગ્ટન પોસ્ટ મુજબ વુહાન વાયરોલોજી લેબમાં સુરક્ષાની પૂરતી વ્યવસ્થા ન હોવા અંગે ચીનમાં અમેરિકી દૂતાવાસના અધિકારીઓએ બે વર્ષ પહેલાં ચિંતા વ્યક્ત કરી હતી. ગૃહ વિભાગે ટ્રેઇન્ડ ટેક્નિશિયનોની અછત અંગે ચેતવણી આપી હતી.
આ ક્યાંયથી પણ આવ્યું હોય, સજા 184 દેશ ભોગવી રહ્યા છે: ટ્રમ્પ
અમેરિકા એ દાવાની વિસ્તૃત તપાસ કરાવી રહ્યું છે કે વાઇરસ ક્યાંથી લીક થયો ? ગુપ્તચર એજન્સીઓ પણ લેબ અને વાઇરસના પ્રારંભિક પ્રકોપ અંગે માહિતી મેળવી રહી છે. ટ્રમ્પે કહ્યું કે ‘ અમે એવી કોઇ સ્ટોરી સાંભળી રહ્યા છીએ. જે પણ ખતરનાક ઘટના થઇ છે, અમે તેની વિસ્તૃત તપાસ કરી રહ્યા છીએ. ઘણા લોકો આ વાત પર વિચાર કરી રહ્યા છે. લાગે છે કે તેમાં થોડી તો વાસ્તવિક્તા છે. હું માત્ર એટલું કહી શકું કે આ ક્યાંયથી પણ આવ્યું હોય, ચીનથી જે પણ સ્વરુપમાં આવ્યું હોય, તેની સજા હવે 184 દેશ ભોગવી રહ્યા છે.’ ટ્રમ્પે કહ્યું કે અમેરિકા વુહાનમાં ચોથાસ્તરની લેબને મદદ કરશે. ઘણા સાંસદોએ સેનેટને પત્ર લખી લેબને મદદ અટકાવવાની વિનંતી કરી હતી.
લેબને મદદ કરનાર ફ્રાન્સે કહ્યું- કોઇ પુરાવા નથી
ફ્રાન્સે કહ્યું કે વુહાનમાં કોવિડ- 19 અને પી-4 રિસર્ચ લેબ વચ્ચે સંબંધના અત્યાર સુધી કોઇ તથ્યાત્મક પુરાવા મળ્યા નથી. પ્રમુખ ઇમાન્યુએલ મૈંક્રોંની ઓફિસના એક અધિકારીએ કહ્યું ‘અમે સ્પષ્ટ કરી દેવા માગીએ છીએ કે વુહાન લેબ અને કોરોના અંગે અમેરિકામાંથી આવી રહેલા રિપોર્ટ વચ્ચે આજ સુધી કોઇ તથ્યાત્મક પુરાવા મળ્યા નથી’. ફ્રાન્સે 2004માં વુહાનમાં જૈવસક્રિયતા સ્તર-4 સાથે સંકળાયેલા રોગો અંગે એક રિસર્ચ લેબ સ્થાપિત કરવા માટે ચીનની સાથે એક સમજૂતિ કરી હતી. તેના અંગે ફ્રાન્સના તત્કાલિન વિદેશમંત્રી મિશેલ બાર્નિયરે હસ્તાક્ષર કર્યા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/3cxt0Jk
No comments:
Post a Comment