સ્પેનમાં સોમવારે લૉકડાઉન આંશિક રીતે ખોલી દેવાયું. કન્સ્ટ્રક્શન, મેન્યુફેક્ચરિંગ અને કેટલાંક સર્વિસ સેક્ટર્સમાં લોકો સુરક્ષાના ચુસ્ત પગલાં વચ્ચે કામ પર પહોંચ્યા. રાષ્ટ્રીય નીતિ હેઠળ મેટ્રો, બસ અને રેલવે સ્ટેશનો પર ફેસમાસ્ક વહેંચાયાં. જોકે, સ્ટેશનો પર ભીડ સાવ ઓછી હતી, કેમ કે 27 માર્ચથી જારી લૉકડાઉન 25 એપ્રિલ સુધી અમલી રહેશે. આ દરમિયાન બાર, દુકાનો અને જાહેર સ્થળો બંધ રહેશે. અત્યાર સુધીમાં અહીં કોરોનાના 1.66 લાખથી વધુ કેસ નોંધાયા છે. જોકે, છેલ્લા કેટલાક દિવસથી મોતનું અને નવા કેસનું પ્રમાણ ઘટ્યું છે. કેટલીક હોસ્પિટલોમાં આઇસીયુમાં જગ્યા દેખાવા લાગી છે. જોકે, મેડિકલ ઉપકરણોની હજુ પણ અછત છે. લૉકડાઉનમાં અહીં બેરોજગારોની સંખ્યા 3,02,265 થઇ ગઇ, જે ફેબ્રુઆરીની તુલનાએ 9.31% વધુ છે. 4.5 કરોડની વસતીવાળા સ્પેન માટે આ બહુ મોટો આંકડો છે.
સ્પેન: 26 માર્ચે સૌથી વધુ નવા કેસ, 2 એપ્રિલે સૌથી વધુ મોત
સ્પેનમાં એક દિવસમાં સૌથી વધુ 8271 કેસ 26 માર્ચે નોંધાયા હતા. તે પછી 29 માર્ચ સુધી કેસ ઘટતા રહ્યા પણ 30 માર્ચે આંકડો પાછો વધ્યો. 1 એપ્રિલે 8195 નવા કેસ નોંધાયા. તે પછી આંકડો પાછો ઘટવા લાગ્યો. સોમવારે 2,665 કેસ નોંધાયા. 2 એપ્રિલે અહીં સૌથી વધુ 961 મોત થયાં હતાં. તે પછી થોડા ઉતાર-ચઢાવ સાથે આંકડો ઘટતો રહ્યો. 11 એપ્રિલે 525 મોત થયાં પણ 12 એપ્રિલે 603 મોત થયાં. કોરોનાના કુલ કેસની દ્રષ્ટિએ સ્પેન વિશ્વમાં બીજા ક્રમનો દેશ છે. અમેરિકામાં સૌથી વધુ 5,60,433 કેસ છે જ્યારે ત્રીજા ક્રમે રહેલા ઇટાલીમાં 1,56,363 કેસ છે.
ઇટાલી: 3 મે સુધી લૉકડાઉન, કારખાનાં હજુય બંધ જ રહેશે
ઇટાલીમાં બુક્સ, સ્ટેશનરી અને બાળકોનાં કપડાંની દુકાનો મંગળવારથી ખૂલી જશે. જોકે, લૉકડાઉન 3 મે સુધી લાગુ રહેશે. કારખાના ખોલવાની હજુ મંજૂરી નથી અપાઇ. અહીં એક દિવસમાં સૌથી વધુ મોતનો આંકડો 19 માર્ચ પછી સતત ઘટી રહ્યો છે. રવિવારે 431 મોત થયાં. 9 માર્ચે સખત લૉકડાઉન લાગુ કરાયું હતું, જેમાં માત્ર કરિયાણા અને દવાની દુકાનો ખુલ્લી રાખવા મંજૂરી હતી.
Download Dainik Bhaskar App to read Latest Hindi News Today
from Divya Bhaskar https://ift.tt/34ArjrF
No comments:
Post a Comment