કોરોનાની ચેઈન તોડવા માટે સરકારો મોબાઇલ એપથી કરોડો લોકોની પળે પળ ટ્રેકિંગ કરી રહી છે, ક્વોરન્ટાઇન તોડતા જ એલર્ટ આવે છે

કોરોના વાઈરસ સંક્રમણની ચેઇન તોડવાના પ્રયાસ તમામ દેશો કરી રહ્યા છે. જેમાં આઇટીનો પણ બહુ ઉપયોગ થઇ રહ્યો છે. કેટલાક દેશ મોબાઇલ એપનો ઉપયોગ કરી રહ્યા છે તો ક્યાંક સંક્રમિતોની પળે પળની ટ્રેકિંગ કરવામાં આવી રહી છે. હોંગકોંગમાં ચીનથી આવેલા લોકોની લોકેશન પર નજર રાખવા માટે વોટ્સએપનો ઉપયોગ થઇ રહ્યો છે. એરપોર્ટ પર જ લોકોને સૂચના આપવામાં આવી રહી છે કે તેમણે પોતાની લોકેશન સેટિંગને હંમેશા ઓન રાખવાની છે. તેથી આવા લોકો જો ઘરની બહાર નીકળે તો તંત્રને તુરત જ ખબર પડી જાય છે. બીજી બાજુ દક્ષિણ કોરિયાએ વોટ્સએપ જેવી જ એક એપ બનાવી છે. જો સંક્રમિત વ્યક્તિ પોતાની દિનચર્યાથી અલગ ગતિવિધિ કરતી જણાય તો એપ એલાર્મ અને એલર્ટ આપી દે છે. અહીં બહારથી આવેલા 10600 લોકોમાંથી 42 ટકા પર આ એપથી નજર રાખવામાં આવી રહી છે. દક્ષિણ કોરિયા અને તાઇવાનમાં ક્વોરન્ટાઇન તોડવા, ઘરે ફોન છોડીને જવા બદલ ભારે દંડ અને જેલમાં મોકલવા સુધીની સજા છે.
ચીનના 200 શહેરોમાં લોકો આ એપનો ઉપયોગ કરી રહ્યા છે
ચીનમાં પણ પ્રાંતીય સરકારોએ હેલ્થચેક એપ બનાવી છે. આ એપ ઘણા વિવિધ પ્લેટફોર્મ પર ચાલી શકે છે. લોકો ક્યાં આવ્યા- ગયા? અને ક્વોરન્ટાઇનમાં દરેક દિવસ તેમની સ્થિતિ કેવી રહી, તે મુજબ એપ પર કલર કોડ જનરેટ થાય છે. આ કલર કોડ સરકારો પાસે પહોંચે છે. આ સિસ્ટમ કેટલી યોગ્ય છે, તે કહેવું મુશ્કેલ છે, છતાં અલી પેનું માનવું છે કે ચીનના 200 શહેરોમાં લોકો આ એપનો ઉપયોગ કરી રહ્યા છે. ડબ્લ્યુએચઓ પણ માય હેલ્થ એપ બનાવી રહ્યું છે. ફેસબુક, ગૂગલ, ટેન્સેન્ટ અને વ્હાઇટ ડાન્સ જેવી કંપનીઓ પોતાના કરોડો યુઝર્સની ગતિવિધિઓને પહેલેથી જ ટ્રેક કરે છે, તેથી ડબ્લ્યુએચઓ આ કંપનીઓ સાથે મળી જણાવી શકશે કે બીમારી ક્યાં-ક્યાં ફેલાઇ ચૂકી છે અને ક્યાં ફેલાવવાની છે. આ ડેટાની મદદથી સરકારો પણ જિલ્લા અને શહેરોના નિયમ કેટલા ઉપયોગી સાબિત થઇ રહ્યા છે, તે જાણી શકશે.
ગૂગલ બતાવશે કે રોડ અથવા ઇમારતમાં કેટલી ભીડ છે
મેપ્સની મદદથી ગૂગલ એવી વ્યવસ્થા બનાવી રહ્યું છે, જેનાથી યુઝર્સ એ જાણી શકશે કે કયા રોડ કે બિલ્ડીંગમાં કેટલી ભીડ છે. જેથી લોકો જવા કે ન જવાનો નિર્ણય લઇ શકે. તેનો ઉપયો સરકારો એ જાણવા માટે કરી શકશે કે સોશિયલ ડિસ્ટન્સિંગનું પાલન થઇ રહ્યું છે કે નહીં? બ્રિટિશ સરકારના ડિઝિટલ સર્વિસિસના પ્રમુખ માઇક બ્રેકનનું કહેવું છે કે સરકારો પાસે લોકોને ટ્રેક કરવાની ટેક્નીક પહેલેથી જ છે. કોરોનાથી લડવામાં તેનો કેટલો ઉપયોગ થઇ રહ્યો છે તે કોઇ સ્પષ્ટરીતે નહીં જણાવે.

Download Dainik Bhaskar App to read Latest Hindi News Today

Governments are tracking millions of people at the moment with the mobile app to break the Corona chain, alerts are coming as soon as quarantine breaks

from Divya Bhaskar https://ift.tt/39OVT1E