91 વર્ષના લી કા શિંગ રિયલ એસ્ટેટ અને ઈન્ફ્રાસ્ટ્રક્ચર સેક્ટરમાં રોકાણ કરી હોંગકોંગની સૌથી ધનિક વ્યક્તિઓમાં સામેલ થઇ ચૂક્યા છે. કોરોના વાઈરસની મહામારીના આ તબક્કામાં તેમના મોટા ભાગના રોકાણની વેલ્યૂ ઘટી રહી હતી ત્યારે ઝૂમ વીડિયો કોમ્યુનિકેશનમાં તેમની 8.6ની ભાગીદારી તેમની વહારે આવી ગઈ. આ ભાગીદારીને કારણે જ તેઓ હવે માલામાલ થઇ રહ્યા છે.
ઓવરઓલ ઈન્વેસ્ટમેન્ટ પોર્ટફોલિયા 460 કરોડ ડોલર
મહામારીને કારણે હાલના તબક્કે દુનિયાભરના મોટા ભાગના હિસ્સામાં વર્ક ફ્રોમ હોમનું ચલણ ઝડપથી વધ્યું છે. વર્ક ફ્રોમ હોમ કરનારા અનેક પ્રોફેશનલ્સને વીડિયો કોન્ફરન્સિંગની જરૂર પડે છે અને તેમાંથી મોટા ભાગના હાલના સમયે ઝૂમ એપનો ઉપયોગ કરી રહ્યા છે. આ કારણે જ ઝૂમની વેલ્યૂ ઝડપથી વધી ગઈ અને લી કા શિંગને પણ તેનો ફાયદો થયો. ઝૂમમાં લી કા શિંગની ભાગીદારીની વેલ્યૂ ચાલુ વર્ષે 80 ટકા સુધી વધી ગઇ છે અને તે હવે 300 કરોડ ડોલર (આશરે 22 હજાર કરોડ રૂપિયા)ની આજુબાજુ પહોંચી ગઇ છે. પોતાના ચાહકો વચ્ચે સુપરમેનના હુલામણા નામે પ્રસિદ્ધ લી કા શિંગ માટે ચાલુ વર્ષે ફક્ત ઝૂમમાં જ રોકાણ ફાયદાનો સોદો સાબિત થયો. ચાલુ વર્ષે તેમનો ઓવરઓલ ઈન્વેસ્ટમેન્ટ પોર્ટફોલિયા 460 કરોડ ડોલર(આશરે 35 હજાર કરોડ રૂપિયા) ઘટ્યો છે અને હવે તે કુલ 2570 કરોડ ડોલર(આશરે 1.9 લાખ કરોડ) રૂપિયા રહી ગયો છે. રોકાણની કુલ વેલ્યૂમાં કમી કોરોના વાઈરસ ઉપરાંત હોંગકોંગમાં લાંબા સમયથી ચાલતા દેખાવોના કારણે પણ આવી હતી.
ઝૂમના ફાઉન્ડરની નેટવર્થ 49 હજાર કરોડ થઈ
ઝૂમ એપની ડિમાન્ડમાં ઝડપથી વધારો થવાનો ફાયદો ફક્ત લી કા શિંગને જ નથી થયો. બ્લૂમબર્ગના રેન્કિંગ અનુસાર ઝૂમના કાઉન્ડર એરિક યુઆનની નેટવર્થ પણ હવે 650 કરોડ ડોલર(આશરે 49 હજાર કરોડ રૂપિયા) થઈ ચૂકી છે. યાહૂના કો-ફાઉન્ડર જેરી યંગ પણ ઝૂમના શરૂઆતના રોકાણકારોમાં સામેલ છે.
Download Dainik Bhaskar App to read Latest Hindi News Today
from Divya Bhaskar https://ift.tt/2K1sJBP
બાંગ્લાદેશના સંસ્થાપક તેમજ સ્વતંત્રતા સેનાની શેખ મુજીબુર્ર રહેમાનની હત્યાના દોષિતોમાંના એક અબ્દુલ માજિદને ઢાકાની સેન્ટ્રલ જેલમાં ફાંસી આપી દેવાઇ. કાયદા મંત્રી અનિસુલ હકે જણાવ્યું કે માજિદને શનિવારે રાત્રે 12:01 કલાકે ફાંસીએ લટકાવ્યો હતો. ડોક્ટરે માજિદને 12:15 કલાકે મૃત જાહેર કર્યો હતો. બાંગ્લાદેશની આતંકવાદ વિરોધી પોલીસે માજિદની ઢાકામાંથી થોડા દિવસ પહેલાં ધરપકડ કરી હતી. તેણે કબુલ્યુ હતું કે તે આશરે 23 વર્ષ સુધી કોલકાતામાં છુપાયેલો હતો. 15-16 માર્ચે જ ઢાકા પરત ફર્યો હતો. શેખ મુજીબુર્રની હત્યા 15 ઓગસ્ટ 1975ના સૈન્ય બળવામાં થઇ હતી. આ બળવામાં તેમના પરિવારના મોટાભાગના સભ્યો અને અન્ય ઘણાં લોકોની હત્યા કરી દેવાઇ હતી.
