59 ચાઇનીઝ મોબાઇલ ઍપ પર પ્રતિબંધ લદાયા બાદ વડાપ્રધાન નરેન્દ્ર મોદીએ દેશના યુવાનોને અને સ્ટાર્ટઅપ કંપનીઓને સ્વદેશી ઍપ્સ બનાવવા કહ્યું છે. મોદીએ શનિવારે નીતિ આયોગના ‘ડિજિટલ ઇન્ડિયા આત્મનિર્ભર ભારત ઍપ ઇનોવેશન ચેલેન્જ’ની શરૂઆત કરી. ત્યારબાદ તેમણે ટિ્વટ કર્યું કે, આ પડકાર તમારા માટે છે. જો તમારી પાસે તેવી પ્રોડક્ટ હોય કે તમને એવું લાગતું હોય કે તમારી પાસે તેવી પ્રોડક્ટ બનાવવાનું વિઝન અને તજજ્ઞતા છે તો હું ટેક્નોલોજી સાથે જોડાયેલા તમામ મિત્રોને તેમાં ભાગ લેવાનો આગ્રહ કરું છું. આજે ટેક્નોલોજી અને સ્ટાર્ટઅપ સાથે જોડાયેલા લોકોમાં વિશ્વસ્તરની મેડ ઇન ઇન્ડિયા ઍપ બનાવવા અંગે ખૂબ વધારે ઉત્સાહ છે. તેમના વિચારો અને પ્રોડક્ટને આગળ વધારવા સરકારે આત્મનિર્ભર ભારત ઍપ ઇનોવેશન ચેલેન્જ રજૂ કરી છે. તેનો મંત્ર દેશ અને દુનિયા માટે મેક ઇન ઇન્ડિયા છે.
10 લાખથી 20 લાખ રૂ. સુધીના પુરસ્કાર
પ્રથમ પુરસ્કાર 20 લાખ રૂ., બીજો 15 લાખ અને ત્રીજો 10 લાખ રૂ.નો રખાયો છે. સબ-કેટેગરીઝ માટે પણ પ્રથમ પુરસ્કાર 5 લાખ, બીજો 3 લાખ અને ત્રીજો 2 લાખ રૂ.નો રખાયો છે.
8 કેટેગરીનો પડકાર
1. ઓફિસના કામ અને વર્ક ફ્રોમ હોમ
2. સોશિયલ નેટવર્કિંગ
3. ઇ-લર્નિંગ
4. મનોરંજન
5. હેલ્થ એન્ડ વેલનેસ
6. કૃષિ ટેક્નિક, ફિનટેક સહિત કારોબાર
7. સમાચાર
8. સ્પોર્ટ્સ.
Download Dainik Bhaskar App to read Latest Hindi News Today
from Divya Bhaskar https://ift.tt/2Z1Rk22
No comments:
Post a Comment