છેલ્લા બે વર્ષમાં સોનુ 55% મોંઘુ થઈ ચૂક્યું છે. કોરોનાના કારણે ભારત અને ચીનમાં ફેબ્રુઆરીથી સોનાનું વેચાણ નથી. આ દરમિયાન વિશ્વમાં આશરે 1900 ટન સોનુ વેચાયું. આમ છતાં, સોનુ પ્રતિ ગ્રામ રૂ. 50 હજાર નજીક પહોંચી ગયું. નિષ્ણાતોનું કહેવું છે કે, સોનાની કિંમત હજુ વધશે. ઈન્ડિયા બુલિયન એન્ડ જ્વેલર્સ એસોસિયેશન (આઈબીજેએ)ના ડિરેક્ટર તાન્યા રસ્તોગી કહે છે કે, ‘લોકોને રૂ. 50 હજાર પ્રતિ ગ્રામ સોનુ મોંઘુ લાગી શકે, પરંતુ સોનુ ખરીદવાનો આ સારો સમય છે. દિવાળી સુધી તેનો ભાવ રૂ. 82 હજારે પહોંચી શકે છે.’
ભારતના ઘરોમાં 25 હજાર ટન સોનુ
એડિશન ઈન્વેસ્ટમેન્ટ રિસર્ચ યુકે જેવી કંપનીના અહેવાલમાં પણ દાવો કરાયો છે કે, સોનાના ભાવ રૂ. 82 હજારને પાર થશે તો તે ઝડપથી વધશે. ભારત-ચીન સોનુ ના ખરીદે તો પણ તેના ભાવ નહીં ઘટે. દુનિયાના લગભગ તમામ દેશ હાલ સોનુ ખરીદી રહ્યા છે. આઈબીજેએ પ્રમાણે, મંદીમાં સોનુ મોંઘું થાય છે. આ વખતે લોકો ઘર ખર્ચ માટે સોનુ વેચે એવું થઈ શકે છે. જોકે, હજુ સુધી એવું નથી થયું. ભારતીયોના ઘરોમાં 25 હજાર ટન સોનુ છે, જેમાંથી 70% ગ્રામીણ ક્ષેત્રમાં છે.
આ 4 કારણથી સોનાની કિંમતો સતત વધે છે
જેમનું સોનુ ગિરવે હતું, તે પાછું લઈ રહ્યા છે
જે સરકારો પહેલા સોનુ વેચતી હતી, તે હવે ખરીદી રહી છે. બે વર્ષ પહેલા 16 દેશની સેન્ટ્રલ બેંકોએ સોનાની ખરીદી શરૂ કરી હતી. જેમનું સોનુ ગિરવે હતું, તે પાછું લઈ રહ્યા છે.
રોકાણ માટે સોનુ પસંદ
બજારમાં મંદીના કારણે રોકાણકારો સોનામાં રસ લઈ રહ્યા છે. કોરોના સામે ક્યાં સુધી લડવાનું છે, તે કોઈ નથી જાણતું. એટલે રોકાણકારોનો ઝોક સોના તરફ વધ્યો છે.
USમાં વ્યાજ દર શૂન્ય છે
સોનાની કિંમત ડૉલરના મૂલ્ય પર નિર્ભર હોય છે. ડૉલરનું મૂલ્ય ઘટશે તો સોનાની કિંમત વધવી નક્કી છે. અમેરિકામાં વ્યાજ દર ઝીરો થઈ ગયો છે, જેના કારણે સોનામાં તેજી જારી છે.
ઉત્પાદન-તસ્કરી, બંને બંધ
આ મુદ્દે કોરોનાના કારણે સમગ્ર વિશ્વમાં સોનાનું ઉત્પાદન બંધ છે. વિશ્વભરમાં લૉકડાઉનને પગલે તેની તસ્કરી પણ બંધ છે, જેના કારણે સોનામાં એકતરફી તેજી છે. આ તેજી હજુ રહેશે. - નૈનેશ પચ્ચીગર, જેમ્સ એન્ડ જ્વેલરી કમિટી
Download Dainik Bhaskar App to read Latest Hindi News Today
from Divya Bhaskar https://ift.tt/38r06K1
No comments:
Post a Comment