અમેરિકામાં ડેમોક્રેટિક પાર્ટીના રાષ્ટ્રપતિ પદના ઉમેદવાર જો બિડેને કહ્યું કે જો તે રાષ્ટ્રપતિ ચૂંટણી જીતશે તો એચ-1બી વિઝા પર લાગુ અસ્થાયી પ્રતિબંધને રદ કરી દેશે. આ વિઝાની ભારતીય પ્રોફેશનલ્સ વચ્ચે વધુ માગ છે. ટ્રમ્પ સરકારે આ વિઝા પર 2020ના અંત સુધી પ્રતિબંધ લગાવ્યો હતો. બિડેને એશિયન અમેરિકી લોકોને ડિજિટલ કાર્યક્રમમાં આ વાત કહી હતી.
તેમણે કહ્યું કે એચ-1 બી વિઝા પર આવેલા લોકોએ અમેરિકાના નિર્માણમાં મોટી ભૂમિકા ભજવી છે એટલા માટે હું મારા કાર્યકાળના પ્રથમ દિવસે જ 1.1 કરોડ દસ્તાવેજરહિત અપ્રવાસીની નાગરિકતાનો માર્ગ મોકળો કરવા માટે સંસદમાં ઈમિગ્રેશન સુધારો બિલ લાવીશ. અમારી ઈમિગ્રેશન પ્રણાલીમાં પરિવારના સભ્યોને સાથે રહેવાને મહત્ત્વ અપાશે. ભારત સાથે સંબંધ મજબૂત કરવા અમારી ટોચની પ્રાથમિકતા હશે.
12 લાખ ભારતવંશી મતદાર, ડેમોક્રેટ તરફ ઝોક વધ્યો
નેશનલ પબ્લિક રેડિયો અનુસાર ભારતીય અમેરિકી સામાન્ય રીતે ડેમોક્રેટ્સને વોટ આપે છે. 2016માં 20 ટકાથી પણ ઓછા ભારતીયોએ ટ્રમ્પને સમર્થન આપ્યું હતું પણ આ વખતે ટ્રેન્ડ બદલાઈ શકે છે. તેનું કારણ પીએમ મોદી અને રાષ્ટ્રપતિ ટ્રમ્પ વચ્ચેના સારા સંબંધો છે. 2008 અને 2012માં બરાક ઓબામાને વોટ આપનારા ભારતીયોએ 2016માં ટ્રમ્પને વોટ આપ્યા હતા. ત્યારે આતંકવાદ મોટો મુદ્દો બન્યો હતો.
પ્રવાસી વોટરોમાં ભારતીય ચીનથી 20 ટકા વધુ
- 35 લાખ મેક્સિકો
- 14 લાખ ફિલિપાઇન્સ
- 12 લાખ ભારત
- 10 લાખ ચીન
- 10 લાખ વિયેતનામ
- 2.3 કરોડ વોટર પ્રવાસી. તે કુલ વોટરોના 10 ટકા છે.
Download Dainik Bhaskar App to read Latest Hindi News Today
from Divya Bhaskar https://ift.tt/2YUVt7D
No comments:
Post a Comment