જિઓ 5-જી માટે તૈયાર, થ્રી-ડી વીડિયો કૉલ પણ કરી શકાશે

રિલાયન્સ જિઓ અમેરિકાની દિગ્ગજ ટેક કંપની ગૂગલની સાથે મળીને ભારતમાં સસ્તા 4-જી અને 5-જી એન્ડ્રોઇડ ફોન બનાવશે. બુધવારે યોજાયેલી કંપનીની 43મી વાર્ષિક સાધારણ સભા (એજીએમ)માં રિલાયન્સ ઇન્ડસ્ટ્રીઝના ચેરમેન મુકેશ અંબાણીએ આ જાહેરાત કરી હતી. અંબાણીએ એમ પણ જણાવ્યું હતું કે જિઓ પ્લેટફોર્મ્સ હેઠળ જિઓ ગ્લાસનું પણ નિર્માણ થશે. જેના દ્વારા થ્રી-ડી વ્યૂ મળશે. અંબાણીએ દેશમાં 5-જી સેવા માટે જિઓ તૈયાર હોવાની જાહેરાત પણ કરી હતી. મુકેશ અંબાણીએ જિઓ મીટ એપ દ્વારા આયોજીત કંપનીની પ્રથમ વર્ચ્યુઅલ એજીએમને સંબોધન કરતા રિલાયન્સ ઇન્ડસ્ટ્રીઝની ભાવિ રણનીતિ શેરધારકો સમક્ષ શૅર કરી હતી.

આ દરમ્યાન 63 વર્ષીય અંબાણીએ જણાવ્યું હતું કે કંપનીના ડિજીટલ મંચ જિઓ પ્લેટફોર્મ્સમાં દિગ્ગજ આઇટી કંપની ગૂગલ 33,737 કરોડ રૂપિયાનું રોકાણ કરશે. જેના બદલમાં ગૂગલને 7.7 ટકા હિસ્સેદારી મળશે. સાઉદી અરામકો સાથેની બહુચર્ચિત ડીલ અંગે અંબાણીએ કહ્યું હતું કે કોરોનાને લીધે સર્જાયેલી સ્થિતિના પગલે આ ડીલ આગળ વધી શકી નથી. મુકેશ અંબાણીએ એમ પણ જણાવ્યું હતું કે આવનારા સમયમાં જિઓ માર્ટ ઇલેક્ટ્રોનિક્સ, ફાર્મા, ફેશન અને હેલ્થકેરને પણ કવર કરશે.

મુકેશ અંબાણીની 5 સૌથી મોટી જાહેરાત

• 5-જી નેટવર્ક માટે જિઓ તૈયાર. આવતા વરસે લૉન્ચ થશે.
• જિઓ ગ્લાસ દ્વારા થ્રી-ડીમાં વીડિયો કૉલિંગ કરી શકાશે. ગ્લાસને ખાસ કેબલ દ્વારા સ્માર્ટ ફોનની સાથે કનેક્ટ કરી શકાશે.
• જિઓમાં ગૂગલ 33,737 કરોડ રૂપિયાનું રોકાણ કરશે. જેના બદલામાં ગૂગલને 7.7 ટકા હિસ્સેદારી મળશે
• 2-જી મોબાઇલધારકો માટે એન્ટ્રી લેવલના એન્ડ્રોઇડ સ્માર્ટ ફોન બનાવશે.
• જિયો માર્ટમાં ઇલેક્ટ્રોનિક્સ, ફાર્મા, ફેશન અને હેલ્થકેરને પણ આવરી લેવાશે.

જિઓ ગ્લાસ દ્વારા એક સાથે બે જણને વીડિયો કૉલ થશે
જિઓ ગ્લાસ વર્ચ્યુઅલ આસિસ્ટન્ટથી સજ્જ હશે. કેબલની મદદથી તમે સ્માર્ટ ફોનને કનેક્ટ કરી શકાશે. તેનું વજન 75 ગ્રામ છે. ગ્લાસ દ્વારા એક સાથે બે લોકોને વીડિયો કૉલ કરી શકો છો.

5-જી ટેકનોલોજી માટે દેશના 20 સ્ટાર્ટઅપ્સની મદદ લેવાઈ
ગૂગલ-જિઓ વેલ્યૂ એન્જિનિયર્ડ એન્ડ્રોઇડ બેઝ્ડ સ્માર્ટફોન ઓપરેટીંગ સિસ્ટમ બનાવશે. 5-જીમાં સ્વદેશી ઉપકરણોનો ઉપયોગ કરાયો છે. આ માટે 20 સ્ટાર્ટઅપ્સની મદદ લેવાઈ છે.

વિશ્વની સૌથી વિશાળ ડિજીટલ AGM યોજી
રિલાયન્સ ઇન્ડસ્ટ્રીઝની વર્ચ્યુઅલ એજીએમમાં વિશ્વના 48 દેશોના 550 શહેરોના 3.2 લાખથી વધારે લોકોએ ભાગ લીધો હતો. રિલાયન્સના દુનિયાભરમાં કુલ 26 લાખ શેરધારકો છે.

Download Dainik Bhaskar App to read Latest Hindi News Today

Jio is ready for 5G, 3D video call can also be made for the Jio 5G

from Divya Bhaskar https://ift.tt/3jhL5zc