કોરોનાનો પ્રકોપ વધ્યા બાદ માર્ચમાં લગભગ તમામ દેશોમાં લૉકડાઉન જાહેર કરી દેવાયું હતું, જેના કારણે ઇન્ટરનેશનલ ફ્લાઇટ્સ પણ બંધ થઇ ગઇ હતી. હવે ધીમે-ધીમે ઘણા દેશોએ ઇન્ટરનેશનલ ફ્લાઇટ્સ શરૂ કરી દીધી છે. ભારત સરકારે પણ અમેરિકા અને ફ્રાન્સ માટે વિશેષ સેવાઓ શરૂ કરવાની જાહેરાત કરી છે. 17થી 31 જુલાઇ સુધી અમેરિકા અને 18 જુલાઇથી 1 ઓગસ્ટ સુધી ફ્રાન્સનાં શહેરો માટે ફ્લાઇટ્સ ઉપડશે.
સૌથી વધુ સંક્રમિત દેશો પૈકીના જર્મની અને ફ્રાન્સમાં સ્કૂલો પણ ખૂલી ચૂકી છે, આવા કુલ 10 દેશ છે
- જર્મની: સૌથી સંક્રમિત 10 દેશમાં 2 મહિના સુધી સામેલ રહ્યું. 2 લાખ દર્દી છે.
- ફ્રાન્સ: તે પણ સૌથી સંક્રમિત 10 દેશમાં સામેલ રહ્યું છે પણ પિક આવી ચૂક્યો છે.
- સ્વિડન: લૉકડાઉન નહીં કરનારો એકમાત્ર દેશ. કુલ 76 હજાર દર્દી છે.
- ડેનમાર્ક: સંક્રમણ શરૂમાં જ રોકી લીધું. દર્દી 13 હજારથી વધ્યા નહીં.
- તાઇવાન: ચીનમાં કોરોના ફેલાતાં જ સરહદો સીલ કરી. 452 દર્દીમાંથી 5 સક્રિય છે.
- નોર્વે: દર્દીઓની સંખ્યા 9 હજારે જ અટકાવી દીધી. હાલ માત્ર 623 સક્રિય દર્દી છે.
- ન્યુઝીલેન્ડ: 1,548 દર્દીવાળો દેશ દોઢ મહિના અગાઉ સંક્રમણમુક્ત જાહેર થયો હતો.
- આઇસલેન્ડ: માત્ર 12 સક્રિય દર્દી છે. નવા દર્દી આવવાનું લગભગ બંધ થઇ ચૂક્યું છે.
- દ.કોરિયા: રોજ 10 લાખ લોકો દીઠ 28 હજારના ટેસ્ટ કરાયા. દર્દી 13,700થી વધ્યા નહીં.
- વિયેતનામ: ચીનનો પડોશી દેશ હોવા છતાં દર્દી 381થી વધવા ન દીધા.
35 દેશ રેગ્યુલર ઇન્ટરનેશનલ ફ્લાઇટ્સ શરૂ કરી ચૂક્યા છે. તેમાં ઇંગ્લેન્ડ, આયર્લેન્ડ, મેક્સિકો, અફઘાનિસ્તાન અને યુક્રેન મુખ્ય છે. આ દેશોએ મુસાફરો માટે વિવિધ સુરક્ષા નિયમો અને પ્રોટોકોલ નક્કી કરી રાખ્યા છે...
- યુક્રેન જનારાઓ પાસે દેશમાં કોરોનાની સારવાર કવર કરતો મેડિકલ ઇન્શ્યોરન્સ હોવો જરૂરી છે.
- તૂર્કી પહોંચતા મુસાફરોનો PCR ટેસ્ટ કરાય છે.
- ઇજિપ્તમાં 14 દિવસ આઇસોલેશનમાં રહેવું જરૂરી.
- મેક્સિકોમાં મુસાફરોનું સ્કેનિંગ કરાય છે. કોરોનાનાં લક્ષણો જણાય તેમને ક્વોરેન્ટાઇન કરાય છે.
આ દેશોએ ફ્લાઇટ્સ આંશિક ધોરણે શરૂ કરી છે
ચીન, અમેરિકા, રશિયા, જર્મની, ઇટાલી, ઓસ્ટ્રેલિયા, ઇરાન, ફ્રાન્સ, ન્યુઝીલેન્ડ, જાપાન, દ.કોરિયા સહિત 72 દેશમાં ઇન્ટરનેશનલ ફ્લાઇટ્સ આંશિક ધોરણે શરૂ થઇ ચૂકી છે. જોકે, આ દેશોએ વધુ સંક્રમણવાળા કેટલાક દેશોમાંથી મુસાફરી પર બૅન જારી રાખ્યો છે.
- અમેરિકામાં બ્રાઝિલ, ચીન, ઇરાન, શેંગેન ક્ષેત્ર, આયર્લેન્ડ કે બ્રિટન થઇને આવતા લોકો પર રોક છે. બીજા દેશોના નાગરિકો અમેરિકા જઇ શકે છે.
- ચીનમાં હાલ હોંગકોંગ, મકાઉ, તાઇવાનના લોકો જ જઇ શકે છે.
- ઇટાલીમાં ઇયુ, ઓસી., ન્યુઝીલેન્ડ, દ.કોરિયા સહિત એવા દેશોના લોકો જ જઇ શકે છે કે જ્યાં કોરોનાનો પિક આવી ચૂક્યો છે.
- ન્યુઝીલેન્ડે હજુ સુધી સામોન કે ટોંગનમાં રહેતા ઓસ્ટ્રેલિયન નાગરિકોને જ આવવાની મંજૂરી આપી છે.
આ દેશોમાં હાલ સંપૂર્ણપણે બૅન
બ્રાઝિલ, કેનેડા, સાઉદી અરેબિયા, દ.આફ્રિકા, ઇન્ડોનેશિયા સહિત 97 દેશમાં ઇન્ટરનેશનલ ફ્લાઇટ્સ બંધ છે. તેમાં 17 દેશ એવા છે કે જ્યાં ફ્લાઇટ્સ શરૂ થવાની આશા વ્યક્ત કરાઇ રહી છે.
Download Dainik Bhaskar App to read Latest Hindi News Today
from Divya Bhaskar https://ift.tt/30lvjKW
No comments:
Post a Comment