મહારાષ્ટ્રની શિવસેનાની યુતિ સરકારે હાલની પરિસ્થિતિને જોઇ ચીન સાથેના તમામ સંબંધો તોડી નાંખ્યા છે, પરંતુ ગુજરાત સરકારને હજુ પોતાની ચીની બહેન સાથેની મમતાનું બંધન છૂટતું નથી. ગુજરાત સરકાર હાલ પણ ચીની પ્રાંત ગ્વાંગડોંગ સાથે કરેલાં સિસ્ટર સ્ટેટના સંબંધો તોડવા માટે રાજી નથી. 2014માં અમદાવાદમાં વડાપ્રધાન નરેન્દ્ર મોદી અને ચીની પ્રમુખ શી જિનપિંગની હાજરીમાં કરેલાં સિસ્ટર સ્ટેટના કરારો કર્યા હતા. ગુજરાત સરકારના એક ખૂબ ઉચ્ચ અધિકારીએ નામ નહીં આપવાની શરતે જણાવ્યું કે આવી બાબતો હાલ રાજ્ય સરકારને નક્કી કરવાની રહેતી નથી. આ અંગે પહેલાં કેન્દ્ર સરકારના વિદેશ મંત્રાલયે પહેલ કરવાની રહે છે. તેમના તરફથી આવી સૂચના આવે તો તે પછી જ તેનું પાલન કરવાનું રહે છે.
ચીન સાથે વ્યવહાર બંધ કરતા અર્થતંત્રને નુકસાન થવાની શક્યતા
2014માં થયેલાં આ કરારો મુજબ ગુજરાત અને ગ્વાંગડોંગ એકબીજાના પ્રાંતમાં પોતાના ઉદ્યોગકારો રોકાણ કરે તે માટે ઉદ્દીપકીય ભૂમિકા ભજવશે. આ ઉપરાંત અમદાવાદ અને ગ્વાંગડોંગના પાટનગર ગ્વાંગઝોઉ વચ્ચે પણ સિસ્ટર સિટી કરારો થયાં છે, તે અન્વયે અમદાવાદ અને ગ્વાંગઝોઉમાં નવા ઇન્ફ્રાસ્ટ્રક્ચના વિકાસ માટે સંયુક્ત પ્રોજેક્ટ, સેવાઓ તથા માર્ગદર્શન ઉપરાંત સાંસ્કૃતિક આદાન-પ્રદાનની સમજૂતિ સધાઇ હતી. આ અધિકારી જણાવે છે કે ગુજરાતમાં ચીની કંપનીઓના થયેલાં અને આવનારા રોકાણનો આંકડો 50,000 કરોડ આસપાસ હોઇ શકે અને હાલના સંજોગોમાં ચીન સાથે વ્યવહારો બંધ કરવા રાજ્યના અર્થતંત્રને નુક્સાનકારક સાબિત થઇ શકે. આવાં નિર્ણયો સંવેદનશીલતા કે લોકલાગણીને આધારે લેવાતાં નથી.
દેશમાં લોકપ્રિય થઈ રહેલી હેક્ટર કાર હાલોલમાં બને છે
છેલ્લાં કેટલાંય સમયથી ચીન સરકારની કંપની શાંગહાઇ ઓટોમોટિવ ઇન્ડસ્ટ્રીઝ કોર્પોરેશન હસ્તકની મોરિસ ગેરેજના હાલોલના પ્લાન્ટમાં હેક્ટર કાર બને છે. આ કાર હાલ ગુજરાતીઓમાં ખૂબ લોકપ્રિય બની છે અને તેની પ્રાઇઝ ઓન બોલાતી હતી. જનરલ મોટર કંપનીનો આ પ્લાન્ટ એસએઆઇસીએ અંદાજે 3,000 કરોડ રૂપિયામાં એક્વાયર કર્યો હતો.
ગુજરાતમાં ચીનનું 20 હજાર કરોડનું રોકાણ, હજુ આશા
ગુજરાત સરકારના એક ઉચ્ચ અધિકારીના જણાવ્યા અનુસાર ગુજરાતમાં ચીનની વિવિધ કંપનીઓના વીસ હજાર કરોડ રૂપિયા જેટલી રકમ રોકાણ સ્વરૂપે આવી ગઇ છે. તેમાં વડોદરા પાસેનો ઇન્ડસ્ટ્રીયલ પાર્ક, હાલોલ, ધોલેરા, કચ્છ અને અને સાણંદ તથા અન્ય વિસ્તારોમાં ચીની કંપનીઓનું મોટું એવું રોકાણ છે. આ ઉપરાંત ધોલેરામાં ચીનની ક્રોમેની સ્ટીલ કંપનીએ 21,000 કરોડ રૂપિયા તથા કાસ્મે નામના એમએસએમઇ એસોસિએશને ધોલેરામાં 11,000 કરોડ રૂપિયાના રોકાણનો વાયદો કર્યો છે. આ ઉપરાંત ગ્રેટ વોલ મોટર કંપની 8,000 કરોડ રૂપિયા તથા ઇસ્ટ હોપ ગ્રૂપ નામનું ચીનના સૌથી મોટા ઉદ્યોગગૃહોમાંનું એક જૂથ અદાણી સાથે મુંદ્રામાં સોલાર પાવર માટે અંદાજે 2500 કરોડ રૂપિયાના રોકાણ કરાર કરીને બેઠું છે.
Download Dainik Bhaskar App to read Latest Hindi News Today
from Divya Bhaskar https://ift.tt/3dwND8B
No comments:
Post a Comment