ગુજરાતમાં અલગ અલગ વિસ્તારોમાં પ્રથમ વરસાદમાં જ અતિવૃષ્ટિ જેવી સ્થિતિ જોવા મળી. કચ્છના માંડવીમાં રવિ અને સોમવાર સવાર સુધી 48 કલાકમાં 15 ઇંચ વરસાદ ખાબકતા અતિવૃષ્ટિ જેવી સ્થિતિ ઊભી થઇ છે. મેઘરાજા મન મૂકીને વરસતા પ્રથમ વરસાદમાં જ શહેરોનું ટોપણસર તળાવ ઓગની ગયું છે. શહેરની રૂકમાવતીમાં ઘોડાપૂર આવ્યું હતું. શહેરના નીચાણવાળા રામેશ્વર વિસ્તારમાં પાણી ભરાતા લોકોને સલામત સ્થળે ખસેડવા પડ્યા હતાં. અહીં રસ્સી વડે લોકો અને પશુઓને પણ રેસ્ક્યુ કરવાની ફરજ પડી હતી. નોંધનીય છે કે વર્ષ 2010માં પણ માંડવીમાં આવી પરિસ્થિતિનું નિર્માણ થયું હતું. ત્યારે માત્ર 12 કલાકમાં અધધ 24 ઇંચ વરસાદ પડી જતા હતાં. કચ્છના મુન્દ્રામાં પણ ત્રણ ઇંચ તથા જિલ્લામથક ભુજ અને નખત્રાણામાં બે ઇંચ જેટલો વરસાદ પડ્યો હતો. અબડાસા તાલુકાના ગામોમાં પણ મેઘમહેર થઇ હતી.
જામનગરમાં પણ વરસાદી માહોલ
જામનગર ઉપરાંત જોડિયા અને જામજોધપુરમાં સોમવારે હળવા ભારે ઝાપટાં વરસ્યા હતા.જયારે જામજોધપુર તાલુકાના ગ્રામ્ય વિસ્તારોમાં રવિવારે મોડી રાત્રી સુધી અવિરત વરસાદથી એકથી બે ઇંચ પાણી પડયુ હતુ.વાંસજાળીયામાં બે, સમાણામાં પોણા બે, જામવાડીમાં એક ઇંચ વરસાદ નોંધાયો હતો.
સુરતમાં પણ બે ઇંચ જેટલો વરસાદ
સોમવારે વહેલી સવારથી સુરત શહેરમાં વરસાદી માહોલ જામ્યો હતો. વહેલી સવારે 4થી 8 વાગ્યાના અરસામાં સુરત શહેરમાં એક થઈ બે ઇંચ જેટલો વરસાદ ખાબકી ગયો હતો. જ્યારે જિલ્લામાં પણ 1 ઇંચ જેટલો વરસાદ નોંધાયો હતો. જો કે બપોર પછી વરસાદે વિરામ લીધો હતો.
સોરઠમાં મેઘમહેર થઈ
સોરઠ પંથકમાં રવિવારે રાત્રીના ફરી મેઘસવારી આવી પહોંચી હતી અમુક જગ્યાએ ઝાપટાં તો અમુક જગ્યાએ સવા ઈંચ વરસાદ પડ્યો હતો. કોડીનાર પંથકમાં 40 મિમી,ગીર ગઢડા 14 મીમી, તાલાલા 10 મીમી, વેરાવળ 42 મીમી,સુત્રાપાડા 37 મીમી, કેશોદ 40 મીમી,માળીયા 13 મીમી,વંથલી 14 મીમી વરસાદ નોંધાયો હતો જ્યારે વંથલી, જૂનાગઢ સહિતના વિસ્તારોમાં પણ ઝાપટાં પડ્યા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/2NlWuiC
No comments:
Post a Comment