ટિ્વટર ઈન્ડિયાના એમડીએ કહ્યું લૉકડાઉનમાં એક્ટિવ યુઝર્સ 24% વધ્યા, ટ્રોલ અને હેટ સ્પીચની 50% ટિ્વટ રિપોર્ટ થતાં પહેલાં જ બ્લોક કરી દઈએ છીએ

લૉકડાઉનના કારણે લોકોનો ઓન સ્ક્રીન ટાઈમ વધી ગયો છે. લોકો સોશિયલ મીડિયા પર એક્ટિવ રહે છે. દેશમાં રેલવેસેવા શરૂ થવાની વાત હોય કે હવાઈસેવા, અનેક મહત્ત્વની માહિતી દેશને ટિ્વટર દ્વારા જ મળી હતી. કોવિડ-19 દરમિયાન ટિ્વટરમાં નવા ફીચર ઉમેરવા, હેટસ્પીચ, ટ્રોલ વગેરે સાથે જોડાયેલા મુદ્દાઓ પર દૈનિક ભાસ્કરે ટિ્વટર ઈન્ડિયાના મેનેજિંગ ડિરેક્ટર મનીષ માહેશ્વરી અને ડિરેક્ટર પબ્લિક પોલિસી ઈન્ડિયા એન્ડ સાઉથ એશિયા મહિમા કૌલ સાથે વાત કરી. જુઓ ઇન્ટરવ્યૂના મુખ્ય અંશ.
સવાલ: શું તમે કોવિડ-19 દરમિયાન ટિ્વટર પર વાતચીતમાં કોઈ ફેરફાર જોયો?
જવાબ: ગ્લોબલી અમારા ડેઈલી એક્ટિવ યુઝર્સની સંખ્યા 24%થી વધીને 16.6 કરોડ થઈ ગઈ છે. જે સિઝનલ મજબૂતી, કોવિડ-19 રોગચાળા સાથે સંબંધિત વાતચીતના કારણે છે. છેલ્લા ત્રિમાસિકગાળા પછી 1.4 કરોડ સરેરાશ ડેઈલી એક્ટિવ યુઝર્સ જોડાયા છે.
સવાલ: કોવિડ-19 અંગે ભ્રામક માહિતી આપનારા સામે કયાં પગલાં લીધાં?
જવાબ: અમે નિયમિત રીતે આરોગ્ય અધિકારી, રિસર્ચર્સ, એનજીઓ અને સરકાર સાથે કામ કરી રહ્યા છીએ. અમે એવી સામગ્રી કે કન્ટેન્ટ પર પ્રભાવશાળી કાર્યવાહી કરી રહ્યા છીએ જે અમારા ટિ્વટરના નિયમોનું ઉલ્લંઘન કરે છે. જેમાં અમાનવીય ભાષાનો પણ સમાવેશ થાય છે.
સવાલ: છેલ્લા બે મહિનામાં ભ્રામક માહિતી આપતી કેટલી પોસ્ટ્સ અને ટિ્વટ દૂર કર્યા?
જવાબ: 18 માર્ચના રોજ અમે ગ્લોબલી અપડેટ પોલિસી લાગુ કરી છે. જેના અંતર્ગત 2400 ટિ્વટસ દૂર કરી ચૂક્યા છીએ. અમારી ઓટોમેટિડ સિસ્ટમ્સે 34 લાખથી વધુ કોવિડ-19ને પ્રભાવત કરતા એકાઉન્ટ્સને ચેલેન્જ કર્યા છે.
સવાલ: ટ્રોલિંગ અંગે ટિ્વટરનું શું કહેવું છે?
જવાબ: ટિ્વટરની એ તાકાત છે કે અમે એક ઓપન, સાર્વજનિક અને વાસ્તવિક સમય આધારિત સેવા આપીએ છીએ. નિયમોનું ઉલ્લંઘન કરનારાં એકાઉન્ટ્સની ઓળખ કરીને કાર્યવાહી કરીએ છીએ. તેમના સ્રોત શોધીને તેમને પણ બ્લોક કરીએ છીએ.
સવાલ: કોવિડ-19 અંગે વિશ્વસનીય માહિતી આપવા માટે ટિ્વટરે નવું ફીચર ઉમેર્યું છે?
જવાબ: ટિ્વટરે ત્રણ નવી શરૂઆત કરી છે. અમે ‘કોરોનાવાઈરસ ટિ્વટ્સ ફ્રોમ ઈન્ડિયન ઓથોરિટીસ’ નામનું એક અલગ ઈન્ડિયા ઓનલી ઈવેન્ટ્સ પેજ શરૂ કરી રહ્યા છીએ. જેમાં આઈએફસીએન પ્રમાણિત નેટવર્ક તરફથી લેટેસ્ટ ફેક્ટ અને સત્યાપિત કોવિડ-19 કન્ટેન્ટ હશે. સાથે જ રાષ્ટ્રીય આરોગ્ય એજન્સીઓ અને ડબ્લ્યુએચઓથી પ્રાપ્ત કન્ટેન્ટ માટે કોવિડ-19 સર્ચ પ્રોમ્ટની શરૂઆત કરી છે.
સવાલ: કેન્દ્ર-રાજ્ય સરકાર સાથે ટિ્વટર કેવી રીતે કામ કરી રહ્યું છે?
જવાબ: અમે કોવિડ રિસ્પોન્સ મેનેજમેન્ટ પર વિવિધ વિભાગો, આરોગ્ય અને પરિવાર કલ્યાણ મંત્રાલય, વિવિધ રાજ્ય સરકારો સાથે કામ કરી રહ્યા છીએ. અલગ કોવિડ-રિસ્પોન્સ એકાઉન્ટ બનાવવા કર્ણાટક, મહારાષ્ટ્ર, ઝારખંડ અને ઉત્તર પ્રદેશ સરકારને પણ સહયોગ આપ્યો છે. સાથે જ આરોગ્ય અને પરિવાર કલ્યાણ મંત્રાલયનું એક અલગ એકાઉન્ટ ‘@કોવિડઈન્ડિયાસેવા’ પણ શરૂ કર્યું છે, જેમાં કોવિડ-19ની તમામ લેટેસ્ટ અપડેટ અને સેવાઓ ઉપલબ્ધ છે.
હેટ સ્પીચ રોકવા અમારી પોલિસી મજબૂત છે
ટિ્વટર પર સાર્વજનિક વાતચીત માટે સેવા આપવી અમારું એકમાત્ર મિશન છે. હેટ સ્પીચ પર અમારી પોલિસી ખૂબ જ મજબૂત છે. આજે લોકોના રિપોર્ટ પહેલાં જ આવા 50% કેસો પર અમે કાર્યવાહી કરીએ છીએ.

Download Dainik Bhaskar App to read Latest Hindi News Today

ટિ્વટર ઈન્ડિયાના એમડી મનીષ માહેશ્વરી અને ડિરેક્ટર પબ્લિક પોલિસી મહિમા કૌલ.

from Divya Bhaskar https://ift.tt/2XTFd5l