અમિત શાહનું સ્વાસ્થ્ય કથળતાં મોડી રાતે ફરી એઈમ્સમાં દાખલ

(પીટીઆઈ) નવી દિલ્હી, તા. 13 સપ્ટેમ્બર, 2020, રવિવાર

કેન્દ્રીય ગૃહમંત્રી અમિત શાહની તબિયત લથડતાં શનિવારે મોડી રાત્રે તેઓ ફરીથી એઈમ્સમાં દાખલ થયા હતા. મીડિયાના અહેવાલો મુજબ અમિત શાહને શ્વાસ લેવામાં તકલીફ થતાં એઈમ્સમાં દાખલ કરવામાં આવ્યા હતા.

બીજીબાજુ સોમવારથી સંસદનું ચોમાસુ સત્ર શરૂ થઈ રહ્યું છે ત્યારે સત્રની શરૂઆત પહેલાં બધા જ સાંસદોના કોરોના ટેસ્ટ કરાઈ રહ્યા છે, જેમાં પાંચ સાંસદોના કોરોના રિપોર્ટ પોઝિટિવ આવ્યા છે. હજી અન્ય સાંસદોના પરીક્ષણો ચાલી રહ્યા છે. 

કેન્દ્રીય ગૃહમંત્રી અમિત શાહને શનિવારે મોડી રાત્રે એઈમ્સના કાર્ડિયો ન્યુરો ટાવરમાંં દાખલ કરવામાં આવ્યા છે, જેને પગલે મીડિયામાં તેમના સ્વાસ્થ્ય અંગે અનેક અટકળો વહેતી થઈ હતી.

જોકે, એઈમ્સે રવિવારે સવારે પ્રેસ રિલિઝ જાહેર કરીને જણાવ્યું હતું કે, અમિત શાહને અગાઉ 30મી ઑગસ્ટે એઈમ્સમાંથી ડિસ્ચાર્જ કરવામાં આવ્યા હતા ત્યારે તેમને ફૂલ બોડી ચેકઅપની સલાહ અપાઈ હતી. આગામી એક-બે દિવસમાં ચોમાસુ સત્ર શરૂ થવા જઈ રહ્યું છે, તે જોતાં તેઓ ફૂલ બોડી ચેકઅપ માટે હોસ્પિટલમાં દાખલ થયા છે.

અગાઉ પણ કોરોના રિપોર્ટ નેગેટિવ આવ્યા પછી પોસ્ટ કોવિડ કેર માટે એઈમ્સમાં દાખલ થયા હતા. શાહના હેલૃથ બુલેટીનમાં જણાવાયું હતું કે તેમને કોરોનાની સારવાર પછી થાક અને શરીરમાં દુખાવો રહેતો હતો. અમિત શાહ એઈમ્સમાં દાખલ થયાના સમાચાર ફેલાતા જ તેમના સ્વાસ્થ્ય અંગે શુભકામનાઓ થવા લાગી હતી.

કેન્દ્રીય મંત્રી રામવિલાસ પાસવાને જણાવ્યું હતું કે, અમિત શાહજીના અસ્વસૃથ થવાના સમાચાર મળ્યા છે. ઈશ્વરને પ્રાર્થના છે તમે વહેલામાં વહેલા સંપૂર્ણ સ્વસૃથ થઈ જાવ. ભાજપના સાંસદ જ્યોતિરાદિત્ય સિંિધયાએ જણાવ્યું હતું કે, ગૃહમંત્રી અમિત શાહના એઈમ્સમાં દાખલ થવાના સમાચાર મળ્યા.

હું ઈશ્વરને પ્રાર્થના કરૂં છું કે તમે વહેલા સંપૂર્ણ સ્વસૃથ થઈ જાવ અને દેશની સેવામાં ફરીથી જૂની ઊર્જા સાથે લાગી જાવ. 55 વર્ષીય અમિત શાહ કોરોના સંક્રમિત થઈ ગયા હતા. તેમણે બીજી ઑગસ્ટે ટ્વીટ કરીને તેની માહિતી આપી હતી.

કોરોનાની સારવાર માટે તેઓ ગુરૂગ્રામની મેદાંતા હોસ્પિટલમાં દાખલ થયા હતા. સારવાર પછી કોરોના રિપોર્ટ નેગેટિવ આવતાં 14મી ઑગસ્ટે તેમને ડિસ્ચાર્જ કરાયા હતા. જોકે, કોરોનાની સારવાર પછી થાક અને શરીરમાં દુખાવાની ફરિયાદને પગલે તેમને 18મી ઑગસ્ટે એઈમ્સમાં દાખલ કરાયા હતા અને ત્યાંથી તેમને 31મી ઑગસ્ટે રજા આપવામાં આવી હતી.

from Top Stories News - Gujarat Samachar : World's Leading Gujarati Newspaper https://ift.tt/3ht2WRi