રિયાની તપાસ વચ્ચે આંતરરાષ્ટ્રીય ડ્રગ્સ રેકેટ ઝડપાયું, 12ની ધરપકડ

4.5 કિલોગ્રામ હેરોઇન, 1.1 કિલો ગાંજો, 445 ગ્રામ કોકીન જપ્ત, છ પાર્સલમાં વિદેશથી ભારત આવ્યું હતું

દિલ્હીના પોશ વિસ્તારોમાં નશીલા પદાર્થો સપ્લાય કરતા પાંચ શખ્સોની 27 લાખના ડ્રગ્સ સાથે ધરપકડ

નવી દિલ્હી/મુંબઇ, તા. 12 સપ્ટેમ્બર, 2020, શનિવાર

સુશાંતસિંહ રાજપૂત કથીત આત્મહત્યા કેસની તપાસમાં સુશાંતની ગર્લફ્રેન્ડ રીયા ચક્રવર્તીની ધરપકડ કરવામાં આવી છે. જોકે આ ધરપકડ નાર્કોટિક્સ કન્ટ્રોલ બ્યૂરો (એનસીબી) દ્વારા ડ્રગ્સ કેસમાં કરાઇ છે. હવે એનસીબીએ આ સમગ્ર મામલે પોતાની તપાસને વધુ આગળ ધપાવી છે અને એક આંતરરાષ્ટ્રીય ડ્રગ્સ રેકેટનો પણ ભાંડો ફોડયો છે.

ગોવા અને મુંબઇમાં વીવીધ સૃથળોએ પાડેલા દરોડામાં એનસીબીએ સાત લોકોની ધરપકડ કરી છે. જ્યારે નોઇડામાંથી પાંચની ધરપકડ કરી છે.  સાથે જ 4.5 કિલોગ્રામ હેરોઇન, 445 ગ્રામ કોકીન અને 1.1 કિલોગ્રામ ગાંજો જપ્ત કર્યું છે. જેને છ પાર્સલ દ્વારા ભારત મોકલવામાં આવ્યું હતું.

સુશાંતસિંહ રાજપૂત કેસની તપાસ કરી રહેલી એનસીબીની ટીમે આ પહેલા મુંબઇ અને ગોવા સહિતના અનેક સૃથળે દરોડા પાડયા હતા. કૈજાનની નિશાનદેહી પર ધરપકડ કરાયેલા અનુજ કેશવાનીની પૂછપરછમાં થયેલા ખુલાસાના આધારે આ દરોડા પાડવામાં આવ્યા હતા જેમાં મોટી સફળતા મળી છે. 

એનસીબીની ટીમે મુંબઇ અને ગોવામાં વિવિધ સૃથળે દરોડા પાડયા હતા, જેમાં આ મોટા જથૃથામાં ડ્રગ્સ મળી આવ્યું હતું. સાથે જ ડ્રગ્સ પેડલરોંની પણ ધરપકડ કરવામાં આવી છે. આવા જ એક ધરપકડ કરાયેલા શખ્સનું નામ કરમજીત ઉર્ફે કેજેનો પણ સમાવેશ થાય છે.

કરમજીતની ગણતરી મુંબઇના મોટા ડ્રગ્સ પેડલરોમાં થાય છે. એવા દાવા થઇ રહ્યા છે કે કરમજીત જ સૈમુઅલ મિરાંડા અને શોવિક ચક્રવર્તીને ડ્રગ્સ સપ્લાય કરતો હતો. આ ડ્રગ્સ બાદમાં રીયા અને સુશાંતસિંહ રાજપૂત સુધી પહોંચતુ હતું. જોકે તેના તાર માત્ર રીયા અને સુશાંત જ નહીં અન્ય વેપારીઓ અને લિટલ હાઇટ્સમાં પણ ડ્રગ્સ સપ્લાય કરતો હતો. 

હવે તેની ધરપકડ બાદ અન્ય કોને કોને તે ડ્રગ્સ આપતો હતો તેના ખુલાસા થઇ શકે છે. જોકે સુશાંત પણ પ્રતિબંિધત નશીલા પદાર્થોનું સેવન કરતો હોવાની શંકા છે. રીયાના ભાઇ દ્વારા તેના સુધી આ નશીલા પદાર્થો પહોંચતા હતા અને તેના બદલામાં સુશાંત પાસેથી પૈસા લેવામાં આવતા હતા.  

મુંબઇ અને ગોવા બાદ નોઇડામાં પણ દરોડા દરમિયાન પાંચ શખ્સોની ધરપકડ કરવામાં આવી છે. દિલ્હી અને એનસીઆરમાં એક મોટુ રેકેટ આ પાંચ શખ્સો ચલાવતા હોવાની શંકા છે. સાથે જ આ દરોડા દરમિયાન 27 લાખ રૂપિયાનું 4 કિલો ડ્રગ્સ પણ જપ્ત કરવામાં આવ્યું છે. આ જાણકારી નોઇડાના એડિશનલ ડેપ્યૂટી કમિશનર રણવિજયસિંહે આપી હતી. 

તેઓનો મુખ્ય ટાર્ગેટ દિલ્હીના પોશ વિસ્તારો અને યુનિવર્સિટીના વિદ્યાર્થીઓ હતા. નોઇડામાંથી પકડાયેલા આ શખ્સોના નામ હિમાંશુ પવાર, રોહિત સિંઘ, અમન શ્રીવાસ્તવ, વિશાલ તિવારી છે અને તેઓ નોઇડાના રહેવાસી છે. આમ એક જ દિવસમાં એજન્સીઓ અને પોલીસે મુંબઇ, ગોવા, નોઇડામાં દરોડા પાડીને એક મોટા ડ્રગ્સ રેકેટનો ભાંડો ફોડયો છે.

from Top Stories News - Gujarat Samachar : World's Leading Gujarati Newspaper https://ift.tt/32qvA1a