સદભાવનાની મિસાલ બનશે શિલાન્યાસ, સુન્ની વકફ બોર્ડ અને અન્સારીને પણ આમંત્રણ, અયોધ્યામાં ભવ્ય સજાવટ કરાઈ

અયોધ્યામાં શ્રીરામ જન્મભૂમિ મંદિરના શિલાન્યાસમાં સદભાવનાની મિસાલ જોવા મળશે. સુપ્રીમકોર્ટમાં બાબરી મસ્જિદના પક્ષકાર રહેલા ઇકબાલ અન્સારી, સુન્ની વકફ બોર્ડના અધ્યક્ષ જુફર અહમદ ફારુખી અને અયોધ્યા નિવાસી પદ્મશ્રી મોહમ્મદ શરીફને પણ આમંત્રણ અપાયું છે. બાબરી ધ્વંસના આરોપીઓમાં સામેલ ઉત્તરપ્રદેશના પૂર્વ મુખ્યમંત્રી કલ્યાણ સિંહ અને મધ્યપ્રદેશના પૂર્વ મુખ્યમંત્રી ઉમા ભારતીએ આવવાની તૈયારી બતાવી છે. જ્યારે પૂર્વ નાયબ વડાપ્રધાન લાલકૃષ્ણ અડવાણી અને મુરલી મનોહર જોશી કદાચ આ કાર્યક્રમમાં હાજરી નહીં આપે. જોકે, તેની સત્તાવાર પુષ્ટિ નથી કરાઈ. સૂત્રોના જણાવ્યાનુસાર, કાર્યક્રમમાં હાજર નહીં રહેનારા નેતાઓ ઓનલાઈન કાર્યક્રમમાં ભાગ લેશે.

એવું કહેવાય છે કે, જે લોકોને કાર્યક્રમનું આમંત્રણ મોકલાઈ રહ્યું છે તેમાં ભાજપ-સંઘના નેતાઓની સાથે રામમંદિર આંદોલનમાં ભાગ લેનારા અડવાણી, મુરલી મનોહર જોશી, ઉમા ભારતી સહિત સાધ્વી ઋતંભરા, વિનય કટિયાર, ડૉ. રામવિલાસ વેદાંતી પણ સામેલ છે. શ્રી રામ જન્મભૂમિ તીર્થ ક્ષેત્ર ટ્રસ્ટે અનેક કારસેવકના પરિવારજનોને પણ આમંત્રણ પાઠવ્યું છે, જે બાબરી ધ્વંસમાં પોલીસ ગોળીબારમાં માર્યા ગયા હતા. આ દરમિયાન સમાચાર છે કે, રામમંદિર નિર્માણની તૈયારીની સમીક્ષા માટે ઉત્તર પ્રદેશના મુખ્યમંત્રી યોગી આદિત્યનાથ રવિવારે અયોધ્યા જશે.

વિવાદિત 2.77 એકર જમીનના માલિક બન્યા શ્રીરામ લલ્લા બિરાજમાન
શ્રીરામ લલ્લા બિરાજમાન સરકારી દસ્તાવેજોમાં લાંબો સમય વિવાદમાં રહેલી 2.77 એકર જમીનના માલિક બની ગયા છે. અયોધ્યા જિલ્લા વહીવટી તંત્રએ મહેસૂલી ખાતા નંબર 159 અને 160 તથા પેટા નંબર 583ના જમીન માલિક તરીકે શ્રીરામ લલ્લા બિરાજમાનનું નામ દાખલ કર્યું છે. મહેસૂલી ભાષામાં તેને અમલદરામદ એટલે કે અધિકાર આપવો કહે છે. હવે જન્મભૂમિ પરિષરની સંપૂર્ણ 70 એકર જમીન ટ્રસ્ટની થઈ ગઈ છે.

સમગ્ર શહેર રોશનીથી ઝગમગી રહ્યું છે
શ્રીરામ જન્મભૂમિ મંદિરના શિલાન્યાસ પહેલા અયોધ્યામાં ભવ્ય સજાવટ કરાઈ રહી છે. સમગ્ર શહેર રોશનીથી ઝગમગી રહ્યું છે.

अवधपुरी प्रभु आवत जानी। भई सकल सोभा कै खानी॥
बहइ सुहावन त्रिबिध समीरा। भइ सरजू अति निर्मल नीरा॥

અર્થાત્: પ્રભુ રામના આગમનની માહિતી મળતાં અયોધ્યાની શોભા વધી ગઈ. શીતળ અને સુગંધિત વાયુ મંદ મંદ વહેવા લાગ્યો. સરયૂનું જળ અતિ નિર્મળ થઈ ગયું.

Download Dainik Bhaskar App to read Latest Hindi News Today

શનિવાર રાત્રીની આ તસવીર રામ કી પેડીની છે.

from Divya Bhaskar https://ift.tt/33ud0GL