ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની ધોરણ 12 સામાન્ય પ્રવાહ, વ્યવસાયલક્ષી પ્રવાહ અને ઉચ્ચત્તર બુનિયાદી પ્રવાહની પરીક્ષાનું પરિણામ 76.29 ટકા જાહેર કરાયું છે, જે ગત વર્ષના 73.27 ટકા કરતાં 3.02 ટકા વધુ આવ્યું છે. ચાલુ વર્ષે 3,71,771 વિદ્યાર્થીએ પરીક્ષા આપી હતી, જેમાંથી 2,83,624 વિદ્યાર્થીઓ પાસ થયા છે. બનાસકાંઠાનું સોની કેન્દ્ર 97.76 ટકા સાથે સૌથી વધુ પરિણામ ધરાવતું કેન્દ્ર બન્યું છે. ગત વર્ષે અમદાવાદના નવરંગપુરા કેન્દ્રનું સૌથી વધુ 95.66 ટકા પરિણામ હતુ.
ચાલુ વર્ષે ગીર સોમનાથ જિલ્લાના ડોળાસા કેન્દ્રનું સૌથી ઓછું 30.21 ટકા પરિણામ આવ્યું છે. ગત વર્ષે પંચમહાલ જિલ્લાના મોરવા રેણા કેન્દ્રનું સૌથી ઓછું 15.43 ટકા પરિણામ હતું. જ્યારે પાટણ સળંગ બીજા વર્ષે સૌથી વધુ 86.67 ટકા પરિણામ ધરાવતો જિલ્લો બન્યો છે. ગયા વર્ષે પાટણનું રિઝલ્ટ 85.03 ટકા હતું. જ્યારે જૂનાગઢ સૌથી ઓછું 58.26 ટકા પરિણામ ધરાવતો જિલ્લો છે.
100 ટકા પરિણામ ધરાવતી સ્કૂલોની સંખ્યા ગત વર્ષના 222થી વધીને 269 થઈ છે, જે છેલ્લાં 10 વર્ષોમાં સૌથી વધુ છે. જ્યારે 10 ટકાથી ઓછું પરિણામ ધરાવતી સ્કૂલોની સંખ્યા 79થી ઘટીને 56 થઈ છે, જે છેલ્લાં સાત વર્ષોમાં સૌથી ઓછી છે. આ વર્ષે વિદ્યાર્થીઓનું રિઝલ્ટ 70.97 ટકા રહ્યું છે, જે છેલ્લાં નવ વર્ષોમાં સૌથી વધુ છે. જ્યારે વિદ્યાર્થિનીઓનું રિઝલ્ટ 82.20 ટકા છે, જે ગત વર્ષે 79.27 ટકા રહ્યું હતું. આમ છેલ્લાં 10 વર્ષોમાં છોકરીઓ છોકરાઓ કરતાં આગળ રહી છે.
આ વર્ષે ગુજરાતી માધ્યમનું પરિણામ 76.11 ટકા અને અંગ્રેજી માધ્યમનું પરિણામ 81.72 ટકા રહ્યું છે. છેલ્લાં 10 વર્ષોથી ગુજરાતી માધ્યમ કરતાં અંગ્રેજી માધ્યમનું પરિણામ વધુ આવ્યું છે. આ વર્ષે 522 વિદ્યાર્થીઓએ એ-1 ગ્રેડ મેળવ્યો છે. જ્યારે 10982 વિદ્યાર્થીઓએ એ-2 ગ્રેડ મેળવ્યો છે. 40285 વિદ્યાર્થીઓએ બી-1 ગ્રેડ મેળવ્યો છે. બી-2 ગ્રેડ લાવનારા વિદ્યાર્થીઓની સંખ્યા 78791 નોંધાઈ છે.
આંકડાશાસ્ત્રનું 84.59 ટકા રિઝલ્ટ
વિષયવાર પરિણામ જોઈએ તો હિન્દી દ્વિતીય ભાષાનું પરિણામ સૌથી વધુ 98.94 ટકા નોંધાયું છે, જ્યારે સૌથી ઓછું પરિણામ આંકડાશાસ્ત્ર વિષયનું 84.59 ટકા આવ્યું છે. અંગ્રેજી દ્વિતીય ભાષામાં 36579 વિદ્યાર્થીઓ નાપાસ થયા છે. આ સંખ્યા વિષયવાર નાપાસ થનારાઓમાં સૌથી વધુ છે. અંગ્રેજી દ્વિતીય ભાષામાં 10.73 ટકા વિદ્યાર્થીઓ નાપાસ થયા છે. જ્યારે અંગ્રેજી પ્રથમ ભાષામાં માત્ર 3.27 ટકા વિદ્યાર્થીઓ નાપાસ થયા છે. વૈકલ્પિક વિષય તરીકે કમ્પ્યુટર વિષયમાં 14.61 ટકા વિદ્યાર્થીઓ એટલે કે 15061 વિદ્યાર્થીઓ નાપાસ થયા છે.
Download Dainik Bhaskar App to read Latest Hindi News Today
from Divya Bhaskar https://ift.tt/3e7A28v
No comments:
Post a Comment