વટવામાં ચાર સંતાનને ગળેફાંસો આપી આત્મહત્યા કરી લેનારા અમરત અને ગૌરાંગ પટેલે આર્થિક ભીંસમાં આ પગલું ભર્યું હોવાનું પુરવાર થયું છે. બંને ભાઈની 3 ગાડી કંપનીમાં ભાડેથી મૂકી આપવાના બહાને ગઠિયાએ ડિપોઝિટ પેટે રૂ. 3 લાખ લીધા હતા અને ભાડું પણ ચૂકવ્યુંન હતું. ઉપરાંત મકાનની રૂ.7.80 લાખની લોન ચૂકવવાની બાકી હોવાથી બેંકે મકાન સીલ કરી દીધું હતું. તેમની પાસે જુદી જુદી બેંકોનાં 38 ક્રેડિટ કાર્ડ હતાં, જેના રૂ.29 લાખ ચૂકવવાના બાકી હતા. ઉપરાંત પીરાણામાં તેમની લાખો રૂપિયાની જમીન હતી, પરંતુ તે પણ કુટુંબીજનો ફાંદો કરી ગયા હોવાથી બંને ભાઈએ બાળકો સાથે આત્મહત્યા કરી લીધી હતી. આમ આ બંને ભાઇઓ રૂ.50 લાખ કરતાં પણ વધારે રૂપિયાના દેવામાં ડૂબેલા હોવાથી આર્થિક તંગીને કારણે આત્મહત્યા કરી હોવાનું પોલીસ તપાસમાં પુરવાર થયું છે.
પીઆઈએ 3 ગાડી પાછી લાવી આપી, પાંચ લાખ રૂપિયા ન અપાવ્યા
અમરત અને ગૌરાંગ પાસેથી મહેસાણાનો એક ગઠિયો 3 ગાડી કંપનીમાં ભાડે મૂકવાના બહાને લઈ ગયો હતો, જેમાં 1 ગાડીની ડિપોઝિટપેટે ગઠિયાએ1 લાખ લેખે 3 ગાડીના 3 લાખ લીધા હતા. લગભગ 3 મહિના સુધી ગાડીઓનું ભાડું પણ ચૂકવ્યું ન હતું. આ અંગે અમરત અને ગૌરાંગે વટવા જીઆઈડીસી પીઆઈ ડી. એ. ગોહિલને અરજી આપી હતી, જેના આધારે તેમણે ગુનો નોંધ્યા વગર જ ત્રણેય ગાડી પાછી અપાવી દીધી હતી, પરંતુ ડિપોઝિટના 3 લાખ અને ભાડાના મળીને 5 લાખ અપાવ્યા ન હતા. જોકે ગઠિયાએ પૈસાની સામે ચેકો આપ્યા હતા, જે રિટર્ન થયા હતા.
‘ઝિંદગી કી તલાશ મેં હમ’ ગીત સ્ટેટસમાં મૂક્યું હતું
‘સાથી’ ફિલ્મમાં આદિત્ય પંચોલી પોલીસથી બચવા પૈસા ભરેલો થેલો લઈને ભાગ્યો હતો. ત્યારે ફિલ્મમાં ગીત આવે છે કે, ‘ઝિંદગી કી તલાશ મેં હમ, મોત કે કિતને પાસ આ ગયે’. 17 જૂને બાળકોને લઈને ઘરેથી નીકળ્યા બાદ અમરત અને ગૌરાંગે બંનેના ફોનના વોટ્સએપ સ્ટેટસમાં તે જ ગીત મૂક્યંુ હતંુ. આટલું જ નહીં તેમના પરિવારના સભ્યો તેમ જ માનેલા ગુરુ સહિતના લોકોના ફોટા પણ પરિવારના સભ્યોને વોટ્સએપ કરીને મોકલ્યા હતા.
ઘરના ડોક્યુમેન્ટ એકત્રિત કરાયા
બંને 10 વર્ષથી હાથીજણના મકાનમાં સાથે રહેતા હતા, પરંતુ ગૌરાંગ વટવામાં ફ્લેટ ખરીદી પરિવાર સાથે ત્યાં જતો રહ્યો હતો, પરંતુ આર્થિક ભીંસમાં આવતાં તે હપતા ભરી શક્યા ન હતા. આથી બેંકે મકાન સીલ કરી દીધું હતું. ત્યાર બાદ તે વટવામાં ભાડાના ફલેટમાં રહેતો હતો. પોલીસે ત્રણેય મકાનમાં સર્ચ કરીને જરૂરી ડોકયુમેન્ટ એકત્રિત કર્યા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/2BnQbby
No comments:
Post a Comment