અમેરિકન અવકાશ સંશોધન સંસ્થા નાસાના અવકાશયાત્રીઓ હવે ચંદ્ર પર જતા પહેલા એક એવા મોડ્યુલમાં રોકાશે, જે તેમને કોઈ હોટલ જેવી ફિલ આપશે. ખાસ વાત એ છે કે, આ મોડ્યુલ ચંદ્રના ઓર્બિટમાં જ રહેશે અને તે તેના ચક્કર પણ લગાવશે. આ માટે નાસાએ નોર્થરોપ ગ્રૂમાનને 187 મિલિયન ડૉલરનો કોન્ટ્રાક્ટ આપ્યો છે, જે નાસાના આર્ટેમિસ મિશનનો જ હિસ્સો હશે. આ મિશન હેઠળ અમેરિકા 2024 સુધી ચંદ્ર પર પહેલી મહિલા અને એક પુરુષને મોકલશે. 1972 પછી પહેલીવાર માણસોને ફરી એકવાર ચંદ્ર પર મોકલવાનો આ પ્રયાસ હશે.
આ હોટેલ કેવી હશે?
ચંદ્રના રસ્તામાં આકાર લેનારા આ ગેટ-વે હેઠળ એક નાના ફ્લેટના કદનું હેબિટેશન એન્ડ લોજિસ્ટિક્સ આઉટપોસ્ટ (HALO-હાલો) બનાવવામાં આવશે, જે ચંદ્રના ચક્કર કાપશે. હાલો અને ગેટ-વેના પાવર એડ પ્રપોલ્સન એલિમેન્ટને 2023માં લૉન્ચ કરાશે. પૃથ્વીથી અવકાશમાં જનારા અવકાશયાત્રીઓ પહેલા આ ગેટ-વે પર રોકાશે અને પછી ચંદ્ર પર જશે. જોકે, તેનું કદ ઈન્ટરનેશનલ સ્પેસ સેન્ટર (ISS)થી નાનું હશે.
નાસાના એડમિનિસ્ટ્રેટર જિમ બાઈડેનસ્ટાઈને કહ્યું છે કે, ચંદ્ર પર મજબૂત અને સતત ઓપરેશન ચાલુ રાખવાના હેતુથી આ કોન્ટ્રાક્ટ અપાયો છે. આ ગેટ-વેની અંદર હાલોમાં ક્વાર્ટર તૈયાર કરાશે, જેને એક્સપાન્ડ કરી શકાશે. ત્યાં અવકાશયાત્રીઓ થોડો સમય વીતાવી શકશે.
ગયા મહિને પણ ઈતિહાસ રચ્યો હતો
આ પહેલા 30મી મેના રોજ અવકાશ ક્ષેત્રે ઈતિહાસ રચ્યા પછી નાસા ઉત્સાહિત છે. એ દિવસે આશરે 10 વર્ષ પછી નાસાએ અમેરિકાની ધરતી પરથી એક સ્પેસક્રાફ્ટમાં બે અવકાશયાત્રીને ઈન્ટરનેશનલ સ્પેસ સેન્ટર મોકલ્યા હતા. ગયા મહિને ખરાબ હવામાનને પગલે એકવાર લૉન્ચ ટળ્યા પછી 30મી મેના રોજ સ્પેસ એક્સના ફાલ્કન-9 રોકેટથી ક્રૂ ડ્રેગન સ્પેસક્રાફઅટમાં બોબ બેન્ખેન અને ડગ હર્લીને અવકાશમાં મોકલાયા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/2Afdh3X
No comments:
Post a Comment