ગલવાન ઘાટીમાં તહેનાત એક વરિષ્ઠ અધિકારીએ ભાસ્કરના સંવાદદાતા મુકેશ કૌશિકને નજરે જોયેલો અહેવાલ આપ્યો હતો. તેમણે જણાવ્યું હતું કે, ‘આશરે 15 હજાર ફૂટની ઊંચાઈ સ્થિત ગલવાન ઘાટીના ઘટનાસ્થળે સોમવારે સાંજે 4 વાગ્યાથી અડધી રાતે આશરે 8 કલાક સુધી હિંસા થઈ હતી. લોખંડના સળિયા લઈને ચીની સૈનિકોએ કાવતરું ઘડીને ભારતીય જવાનો પર હુમલો કર્યો હતો. ભારતીય સૈનિકો આવા કોઈ પણ પ્રકારના હુમલા માટે તૈયાર નહોતા.
ભારત અને ચીનના કૉર કમાન્ડરોએ વચ્ચે 6 જૂને સહમતિ થઈ હતી કે બન્ને સેનાઓ વર્તમાન જગ્યાએથી 2-3 કિલોમીટર પાછળ હટશે. એ પછી ચીનના સૈનિકોએ એલએસીની પોસ્ટ-1 પર જવાનું હતું. આ પ્રક્રિયા 7 દિવસથી ચાલી રહી હતી. પ્રોસેસની ચકાસણી માટે બન્ને દેશની સેનાઓએ પોતપોતાની ટીમો મૂકી હતી. સોમવારે બપોરથી ભારતીય સૈન્યના કમાન્ડિંગ ઑફિસરની સાથે 10 જવાનો પેટ્રોલ પોઇન્ટ 14 પાસે ચીની સૈનિકો પાછા ફરે એના પર નજર રાખી રહ્યા હતા. 20 ચીની સૈનિકોએ ત્યાંથી હટવાનું હતું. પણ જ્યારે ચીની સૈનિકો પોતાની જગ્યાએથી હટ્યા નહીં ત્યારે ઘર્ષણ શરૂ થયું.
ચીની સૈનિકોએ અચાનક ભારતીય કમાન્ડિંગ ઑફિસર પર હુમલો કરી દીધો. નીચે પાડીને લોખંડના સળિયાથી મારમાર્યો. ભારતીય સૈનિકોએ પણ જવાબી કાર્યવાહી કરી. થોડી મીનિટોમાં ચીનના સૈન્યની બીજી ટુકડી પણ ત્યાં પહોંચી હતી. એ પછી એક એક કરીને અન્ય ટુકડીઓ આવી પહોંચી. ચીનની સેનાના આશરે 800 સૈનિકો અહીં એકત્ર થઈ ગયા હતા. ભારતના જવાનો ઓછા હતા. સાંજે છ વાગ્યા સુધી બન્ને દેશના સૈનિકો લડતા રહ્યા. સૈનિકો પથ્થર, લાકડી, રૉડ લઈને એકમેક પર હુમલા કરતા હતા. તેના કારણે પહાડની નાનકડી દર્રા પર દોડધામ મચી હતી. રાત્રે ઘણા સૈનિકો ખીણમાં પડી ગયા હતા. ખીણની દર્રા તૂટી જવાથી ચીનના 40થી 50 જવાનો પણ ખીણમાં પડી ગયા હતા. ભારતીય સૈન્યના કેટલાક જવાનો લાપતા છે.
અત્યાર સુધી એ સ્પષ્ટ નથી થયું કે નદીમાં પડી ગયેલા ભારતીય જવાનો ચીનના કબજામાં છે કે નહીં. એવી પણ ખબર પડી છે કે ચીની સૈન્યનો એક કમાન્ડિંગ ઑફિસર પણ હુમલામાં માર્યો ગયો છે. સૈનિકો વચ્ચે મોડી રાત સુધી અથડામણ ચાલતી રહી હતી. રાત્રે 12 વાગ્યાની આસપાસ મામલો શાંત થયો હતો. બન્ને દેશની સેનાઓએ પોતપોતાના જવાનોની શોધખોળ શરૂ કરી હતી. નવી દિલ્હી અને બેજિંગ વચ્ચે હૉટલાઇન પર વાતચીત થઈ હતી. મંગળવારે સવારે ફરી દેશેના ઉચ્ચ અધિકારીઓ વચ્ચે શાંતિ જાળવવા માટે બેઠકો થઈ હતી. સાંજે 5 વાગ્યે એલએસી પર ચીની સૈન્યનું હેલિકોપ્ટર પોતાના જવાનોના મૃતદેહ લઈ જવા આવ્યું હતું.
Download Dainik Bhaskar App to read Latest Hindi News Today
from Divya Bhaskar https://ift.tt/2AAA6iS
No comments:
Post a Comment